KoBaNe by Minimal

Open Now

Now Closed

位於南豐紗廠的 KobaNe by Minimal 是一間充滿日式簡約風格的小店，用餐環境舒適又放鬆。洛神花柚子梳打($46)清爽解渴，洛神花的微酸配上柚子的清香，汽水泡泡帶來輕快的口感，是炎炎夏日的好選擇。冰美式($42)咖啡香濃而不苦澀，冰鎮後更加順口，是咖啡愛好者的不二之選。🍹☕️醬油漬吞拿魚茶泡飯($120)口感豐富，吞拿魚醃製入味，茶湯清香而不搶味，配上米飯非常滋味，吃起來溫暖又滿足。這道菜既有日本家庭料理的溫馨感，又不失精緻。🍵雜菌三文魚定食($115)則以新鮮的三文魚和香煎雜菌為主，三文魚柔嫩鮮美，菌菇香濃可口，整體份量剛好，是一頓健康而美味的選擇。每道菜都散發著簡單而不平凡的美味，非常適合閒暇時光來細細品味。🍣

星期日晏晝呢到唔算好多人，即刻就可以入去，主食嘅選擇唔算好多，我哋叫咗雜菌燒三文魚定食同埋壽喜燒牛肉燴飯。雜菌燒三文魚定食（$115）定食配搭好豐富，有茶碗蒸、蔬菜餅、醃茄子同埋蜜瓜。三文魚🐟煎得好香，外脆內軟，醬汁配埋白飯非常好食。蔬菜餅🥕香脆唔油膩，幾有驚喜。茶碗蒸🥚都好滑有蛋香👍🏻而醃茄子🍆相對就普通咗啲，冇咩特別。🍈跟餐嘅蜜瓜比想像中有誠意，係清甜又多汁😋 成個定食嘅配搭好滿足👍🏻壽喜燒牛肉燴飯（$125）呢個即叫整等候時間比較耐，食完個定食都仲未嚟到。本來對佢期望幾高，但係有啲失望😔忌廉汁煮嘅燴飯食多幾啖會有少少膩，配搭埋壽喜燒汁牛肉同埋溫泉蛋都好食嘅，但就係想像到嘅味道冇咩特別。比較推薦呢度嘅定食，整體嚟講都幾好味，見到佢哋呢度嘅甜品賣相都好靚，下次會想嚟試吓。

Kobane by Minimal 位於荃灣南豐紗廠,係深水埗迷你無的分店。走新派日式路線,與迷你無的風格有所不同。餐廳環境清新優雅,打卡位置多,特別是窗邊可以飽覽外景。午餐選擇不多,不過仍有幾款精緻的日式料理可供選擇。我哋三個人叫咗三個set lunch：照燒汁牛扒定食、壽喜燒牛肉燴飯和醬油漬吞拿魚茶泡飯，三款都好睇又好食。其實所謂set係唔包飲品，飲品要加錢，所以唔明白點解叫做set，不過啲咖啡都係好飲嘅，特別係rose latte非常唔錯。

好耐冇去南豐紗廠，見到呢間日式cafe好吸引！即刻去下，但味道就…🍴醬油漬吞拿魚茶泡飯 $120有吞拿魚，三文魚籽，油甘魚，有青檸同烏龍茶，整體嚟講唔係好夾，烏龍茶太重味，蓋過咗魚同飯，好似倒瀉咗杯茶咁勁怪，加埋青檸嘅酸，難以入口，魚生正常但浪費左。🍴壽喜燒牛肉燴飯 $120冇諗過唔好食，牛肉係最平嗰隻肥牛，識落比較嚡口，係有壽喜燒汁嘅甜味，比較偏硬，食唔到落咗忌廉，唔好食。🍴自家製海鹽焦糖咖啡 $45咖啡係OK嘅，焦糖香唔會好甜。推薦指數: 3/10小店好似好有心機整，但味道就真係唔得，咖啡係OK嘅😂

星期六嘅2:30嚟到，等咗成35分鐘先至出到餐。仲要係甜品先上，其實我哋都幾肚餓，冇諗過係要食甜品先。然後過多20分鐘，主食先至嚟到，以出餐順序同等嘅時間計真係唔合格。豆乳蜂蜜紅茶蕨餅配玄米茶雪糕🍧賣相好精緻，吸睛嘅，打卡一流。不過就食唔到豆乳味，蕨餅都幾好味嘅，而玄米茶雪糕佢唔講我以為係雲呢拿雪糕。😂😂😂日本花魚一夜干定食🐟一上枱已經覺得條魚唔夠乾身，照計一夜乾唔應該面頭仲咁濕潤。條魚好多好多好多好多骨，食落去好唔方便，要不斷嘍骨，而且啲肉比較散，真係好一般般。😬其他配菜都麻麻哋，唔係精細用心嘅出品。🫣呢間係深水埗迷你毛嘅分支，以為質素會有保證，誰知係相反，侍應唔熟手，經常有砰砰棒棒嘅聲，而且唔會主動執枱。😑以今次嘅質素計就真係好唔OK，希望店家見到佢留意吓。😶

今日去咗南豐紗廠裡的一間日系餐廳食lunch，呢間餐廳用咗簡約和式風格，而且旁邊有塊落地大玻璃，採光度充足。壽喜燒牛肩肉鹿茸菇燴飯呢個飯賣相好吸睛，牛肩肉的嫩滑和鹿茸菇的爽滑配合埋creamy的risotto, 飯中間的一隻流心蘭王蛋更是整個飯的靈魂，而濃郁的壽喜燒汁為這道菜品增添了無限魅力。醬油漬吞拿魚茶泡飯茶泡飯份量尚算大，而飯面上鋪了多塊吞拿魚片和油甘魚片，再加埋三文魚籽，並且灑滿木魚絲，賣相好靚，這個飯重配上一隻流心蘭王蛋和紫菜絲，還有一樽熱辣辣的醬油高湯給客人親自倒入飯裡，儀式感十足。Mint Mocha在濃郁的咖啡中感受到薄荷的清涼在口中散開，呢兩個組合純對係perfect match。Macha Latte焙茶具有獨特的香氣和口感，能為咖啡增添一絲茶香，夠晒特別。

之前食過minimal，幾有驚喜，今次黎到minimal嘅分店Kobane一試，環境同食物都一樣高質～Cafe採用簡約和風設計，落地玻璃可以讓自然光透入，採光度高，好舒適寫意餐廳好寵物友善，狗狗都可以坐室內梳化🐶聽講餐廳嘅甜品比主食更出色，遲啲再訪試一試吧😛-—————————壽喜燒牛肩肉鹿茸菇燴飯 $125Risotto雖然creamy，充滿牛油香，但唔會太膩。牛肉唔韌，加上壽喜燒同埋蘭王蛋呢個經典配搭真係冇得輸！燴飯份量啱啱好，但係好惹味，食完想再食！-—————————醬油漬吞拿魚茶泡飯 $120泡飯有五大塊經過微微火炙嘅吞拿魚，有啲筋但係好新鮮。除咗醬漬吞拿魚之外，仲有鯛魚同三文魚籽。整體唔算好飽肚但係調味啱啱好同埋好暖胃🥰-—————————焙茶鮮奶（熱） $45焙茶味幾濃郁☕️

kobane 的粟米焦糖酥盒是驚為天人的美味軟滑的粟米吉士餡是新奇的味覺體驗帶著質樸的鄉土風味 🌽選用這種食材很大膽 欣賞甜品師的巧思酥皮鬆化富牛油香 搭配酸咪咪的乳酪雪葩日向夏柑柔和無渣 一咬沁出清甜果汁層層遞進 繁複卻相得益彰堪稱完美的一道甜點 💛蜜柑芝士撻充斥夏日的味道 柑橘的果香與微澀與芝士蛋糕是永遠的好朋友 🍊配上山椒柚子雪葩更清爽輕盈微辛的刺激感讓味蕾在沈悶中甦醒加上本人是柚子 die hard fan hahaaa鹹食味道比賣相好哈哈哈印象中日式叉燒 Risotto 富油脂香氣 美味 des ☺️作為 Minimal Café 的姊妹店 小店讓我驚喜不斷準備去迷你毛一探究竟 期待 🫶🏻📍 KoBaNe by Minimal荃灣白田壩街45號南豐紗廠1樓103號舖

呢間寵物友善Cafe係Minimal嘅姊妹店裝修以簡約日系風為主 有自然光照射 環境舒適☺️🍚醬油漬吞拿魚茶泡飯米飯上面鋪滿木魚絲 再放上火炙吞拿魚、火炙油甘魚、三文魚籽🐟可以自己加入熱茶同紫菜去製作茶泡飯🫖不過熱茶相當熱 要隔住幾層紙巾先拎得到醬油漬魚生好香好入味 唔錯😋配菜嘅自家製麻藥蛋亦相當好味！可以單點嘅話一定會加單❤️🍮蜂蜜檸檬葩菲撻配香草雪葩呢款係新推出嘅甜品賣相超級靚！😍蜂蜜檸檬葩菲面頭有一層焦糖脆面連埋葩菲一齊食 好似食緊焦糖燉蛋咁葩菲嘅口感就似似地雪糕🍦切開中間仲有檸檬果醬🍋蜂巢造型嘅餅乾又薄又脆個撻皮都唔錯 牛油味好香☺️香草雪葩係用歐芹、香菜、羅勒、薄荷製成🌿第一啖先有薄荷嘅味道 再有其他香草嘅味道好特別 我自己就幾中意🤭但應該唔係個個都接受到呢種草青味唔好香草嘅話 亦可以加$5轉其他口味嘅雪葩

上星期帶左小朋友同狗狗去南豐紗廠食tea🍵今次揀左🇯🇵日系cafe 𝕂𝕠𝔹𝕒ℕ𝕖 𝕓𝕪 𝕄𝕚𝕟𝕚𝕞𝕒𝕝，無論環境同食物都超級高質! 大推 (⁎⁍̴̛ᴗ⁍̴̛⁎)🐠醬油漬吞拿魚茶泡飯兩款火炙吞拿魚刺身，配上滿滿嘅木魚碎，好味! 另外配上嘅麻藥糖心蛋非常高水準🥚encore之選! 🦪香煎廣島蠔鰻魚汁燴飯鮑魚汁燴飯嘅調味好惹味，意大利飯嘅硬度適中，再配上烤焦嘅鮮甜廣島蠔，超正👍🏻🐄壽喜燒牛肩肉鹿茸菇燴飯和洋式嘅配搭 - 甜甜嘅壽喜燒燴飯，配上肉咩濃郁嘅牛肩肉同好香蛋味嘅溫泉蛋，非常出色嘅配搭! 🍯蜂蜜檸檬芭菲撻配香草雪葩🆕餐廳新出嘅甜品，好有驚喜! 香草雪葩食落好清新，減輕左主食嘅油膩感。蜂蜜檸檬雪葩酸酸甜甜有咬感，兩款一齊食好夾💗🍋沖繩黑糖配薑汁青檸梳打用上沖繩黑糖同新鮮薑汁熬煮成糖漿，再加上澳洲青檸，兩者嘅結合溫和咗黑糖嘅甜味同埋薑汁嘅辣味，相得益彰! 總結黎講，今次嘅用餐體驗非常滿意🥰野食真係超水準，必定會encore !!

今日去開荃灣, 媽媽話帶我去 @themillshk 文青Cafe食飯🙈 媽媽叫左壽喜燒牛肩肉鹿茸菇燴飯, Adrian不停話: 媽媽唔該我要牛肉, more beef please 🙈 加埋隻半熟蛋, 真係好好味👍🏻 同店員傾下先知隻蛋係”蘭王”, 唔怪之得咁高質咁重蛋味🤭爸爸叫左醬油漬吞拿魚茶泡飯, 黎到時爸爸喜出望外. 擺得好靚之餘仲分別有吞拿魚+油甘魚+三文魚子, 連平時成日食日本野嘅爸爸都大讚高CP, 大家黎開真係要試下👍🏻我哋仲叫左2杯飲品, 分別係沖繩黑糖配薑汁青檸梳打同自家製海鹽焦糖朱古力鮮奶, 2杯都好特別, 媽媽話下次都會encore!仲有仲有… 仲叫左甜品呀… 第一次試香草雪葩, 又幾特別, 唔講唔知係由香草製成. 加埋個檸檬撻一齊食, 真係好夾.

由於二月十四要返工 所以今年預早慶祝情人節！今次揀咗位於荃灣南豐紗廠嘅 ⭐️ KoBaNe by Minimal @kobane_themills⭐️ 💕照燒汁牛扒定食 $168牛扒定食包括紫菜飯、前菜、漬物同湯 牛扒煎得非常嫩滑 前菜亦好清甜 成個定食非常豐富 又唔油膩 💕香煎廣島蠔鰻魚汁燴飯 $125煎熟咗嘅廣島蠔依然非常大隻而且好鮮甜 鰻魚汁燴飯味道濃郁 好食到停唔到口！💕蜜柑芝士撻配山椒柚子雪芭 $75山椒柚子雪芭好清新 蜜柑芝士撻好香滑 唔會太膩💕沖繩黑糖薑青檸梳打 $49呢款特色飲品味道好特別 薑味唔會太勁太辣口 連埋青檸梳打好清新💕Salted Caramel latte $45焦糖味唔會太甜啱啱好 咖啡味香而濃郁店內主打文青日系設計 非常舒適 食物擺盤亦好靚好有心思 店員非常友善 食完飯仲可以散散步行吓附近嘅文創店㖭！

🍲壽喜燒牛肩肉鹿茸菇燴飯 ($95)一食落去個下有驚喜!😍牛同飯都有甜甜嘅壽喜燒汁味，煮法似risotto, 飯係偏腍身嘅，蛋用左蘭王蛋🥚蛋香非常濃郁!🐟花魚一夜干定食 ($115)好精緻嘅擺盤😍定食包括前菜、主食、麵豉湯同埋紫菜飯🍱前菜個粒白蘿蔔配菜清甜入味好juicy! 好出色!🤩花魚肉質較實帶油脂香, 加少少蘿蔔蓉味道好夾~☕Iced Latte ($36) & Rose Latte ($32)Iced Latte味道正常，但Rose Latte就有D太甜了~總括黎講，食物味道不錯，但餐廳人手稍稍不足，眼見幾張枱一路未執，而我地非lunch hour兩點幾落左單後都等4-5個字先有野食，如果附近趕返工嘅可能要諗諗😔但如果好似我地咁chill下嘅，就可以試下啦🤗

🫶好鍾意文青聚集地呀,🌱好鍾意去Cafe 坐下,放空一下🪴🪵南豐紗廠有間日系嘅文青咖啡———以簡單木系設計,加上落地大玻璃,透入自然光☀️增加咗獨特嘅魅力,拍照超好📷🌻呢度座位舒適,桌子寬敞,燈光柔和,營造出一種放鬆和悠閒嘅氛圍,仲係寵物友善餐🐕🐕‍🦺🐾,好啱帶埋毛孩一齊Hea 😂🐾食物都好有日本風味🥢,仲好有創意🤩照燒汁牛扒🐂✨牛扒口感嫩滑,帶有炭烤香氣,加上照燒汁風味,好美味嘅日式料理。主菜、主食和配菜,份量剛好〰️香煎廣島蠔鰻魚汁燴飯🦪✨廣島蠔鮮甜味道&鰻魚鮮嫩質地相輔相成,獨特嘅海鮮香氣,融入到燴飯中,令整道菜更加美味〰️蜂蜜檸檬芭菲撻配香草雪葩🍯✨新推出嘅創意甜品, 甜中帶有微酸嘅風味,又帶嚟清新口感, 香草雪葩帶有香草香氣&柔滑口感,好有趣,好有層次感〰️薄荷朱古力咖啡☕️✨濃郁朱古力味,帶有清新薄荷香氣&咖啡苦味,搭配得很好〰️沖繩黑糖配薑汁青檸梳打🍋✨健康又好味嘅飲品,黑糖有濃郁糖蜜味,薑汁帶有微辣&溫暖感,而青檸有清新嘅酸度,整杯都帶嚟一種獨特嘅平衡〰️kobane門市地址📍荃灣白田壩街45號南豐紗廠1樓103號舖

今次試黎間和風cafe 有自然光照入，環境好舒服，無論主菜、甜品、飲品都有好多選擇！有d 菜式/ 飲品仲相當特別，有d fusion 元素🥰/壽喜燒牛肩肉鹿茸菇燴飯 $95/一開始正係見到壽喜燒牛幾隻字以為會係日式丼飯咁嘅樣🤣點知原來係risotto 黎！燴飯係嘅奶油醬味道濃郁，加埋半熟蛋又有另一番味道，牛肉帶有甜甜地嘅壽喜燒汁味道，加埋鹿茸菇、大蔥等配料食落味道豐富，非常有層次感！/醬油漬吞拿魚茶泡飯 $100/茶泡飯份量驚人，面頭有好多吞拿魚同埋油甘魚片，仲有三文魚子😍 賣相一流！茶泡飯味道清新，係輕盈午餐選擇👍🏻/粟米焦糖酥盒配乳酪雪糕 $82/焦糖酥盒口感鬆脆，入面有滿滿粟米吉士，味道濃郁，配埋乳酪雪糕酸酸地非常解膩！/焙茶朱古力燕麥奶 $48/朱古力味道相對較重，不過都唔會太甜，都飲得出一陣陣焙茶香味☕️