The.Daldal (Closed)

夏日炎炎,真係要食番D又冰又凍既野唔好講笑,經過尖沙咀,見到呢間韓式甜品小店有成個蜜瓜/西瓜!唔洗講野即刻入去!一入去我話2位,個男店員聽唔明,原來係OPPA!!嘩,不得了!入到去即刻睇下有咩食先,同朋友2個就叫左3樣野,分別係蜜瓜冰,Choco Honey Bread,Blue Lemonade.Melon Snow Ice - 大過個頭!!我同朋友都呆左!一個波波蜜瓜山,配牛奶冰,真心好夾好消暑!中間仲插住蜜瓜雪條, 蜜瓜好清甜, 真係好無敵。Choco Honey Bread-剛剛烤完,仲暖粒粒,配埋雪糕真係好食到想唔SHARE,自己食哂!!Blue lemonade-加左柃檬好清新!又唔係太甜,好好飲!總括而言,Melon Snow Ice 份量真係好大,3,4個朋友SHARE 會好D,不過食得好滿足,夏天就是要吃冰~感覺食生果唔算太有罪惡感。