Video
Read full review
2022-06-03
618 views
蜜糖芥末雞翼好味到而家仲記得話說早幾日同個friend去咗旺角嘅HeSheEat食晚餐，之前都去過呢間餐廳㗎喇，就係覺得啲嘢食幾好食同埋甜品又好食所以今次帶另一個friend去食。我哋今次買單大概係$396兩個人，除翻開平均就係每個人$198左右。單骨蜜糖芥末雞翼$55先講呢個蜜糖芥末雞翼，真係覺得好好食，芥末同埋蜜糖嘅配搭就係十分匹配，而且雞翼嘅外皮炸到酥香可口，仲要雞翼係單骨雞翼，食落去十分之容易，咬落去啖啖肉。食完一隻又一隻，我哋爭住食到最後一隻，哈哈。飛天薯條配秘製辣椒茄汁$45呢個薯條都好好食，薯條切到非常之粗身，炸到熱辣辣拎出嚟，點汁同埋唔點汁都好食。佢嘅醬汁係秘製辣椒茄汁，所以有少少蕃茄嘅味道之外仲有啲辣椒嘅味道，食落去唔會話好辣，但就好開胃醒神。炸厚切黑毛豬滑蛋個意式紅飯$88黑毛豬嘅體積都幾大件，而且好厚肉，滑蛋嘅熟透程度係八至九成熟，所以食落口好滑，而且好香蛋味。飯嘅份量都好多，食完都覺得好飽。旁邊仲有少少沙律菜同埋蕃茄，一來可以做點綴，二來又可以清下腸胃健康啲，同埋食落去冇咁肥膩。燒鰻魚滑蛋個意式紅飯$98鰻魚厚肉，燒得啱啱好，火候控制得幾好，唔會話燒到好乾身，仲
話說早幾日同個friend去咗旺角嘅HeSheEat食晚餐，之前都去過呢間餐廳㗎喇，就係覺得啲嘢食幾好食同埋甜品又好食所以今次帶另一個friend去食。我哋今次買單大概係$396兩個人，除翻開平均就係每個人$198左右。
單骨蜜糖芥末雞翼$55
先講呢個蜜糖芥末雞翼，真係覺得好好食，芥末同埋蜜糖嘅配搭就係十分匹配，而且雞翼嘅外皮炸到酥香可口，仲要雞翼係單骨雞翼，食落去十分之容易，咬落去啖啖肉。食完一隻又一隻，我哋爭住食到最後一隻，哈哈。
飛天薯條配秘製辣椒茄汁$45
呢個薯條都好好食，薯條切到非常之粗身，炸到熱辣辣拎出嚟，點汁同埋唔點汁都好食。佢嘅醬汁係秘製辣椒茄汁，所以有少少蕃茄嘅味道之外仲有啲辣椒嘅味道，食落去唔會話好辣，但就好開胃醒神。
炸厚切黑毛豬滑蛋個意式紅飯$88
黑毛豬嘅體積都幾大件，而且好厚肉，滑蛋嘅熟透程度係八至九成熟，所以食落口好滑，而且好香蛋味。飯嘅份量都好多，食完都覺得好飽。旁邊仲有少少沙律菜同埋蕃茄，一來可以做點綴，二來又可以清下腸胃健康啲，同埋食落去冇咁肥膩。
燒鰻魚滑蛋個意式紅飯$98
鰻魚厚肉，燒得啱啱好，火候控制得幾好，唔會話燒到好乾身，仲保留咗少少鰻魚嘅汁。至於下面嘅滑蛋同埋紅飯就同黑毛豬一樣。
特濃咖啡配雲呢拿雪糕$38
呢個特濃咖啡size唔係好大杯，但係咖啡味好濃郁，係齋啡再加雲呢拿雪糕嘅感覺。咖啡同雪糕嘅配搭都好夾。
朱古力鮮奶$36
呢個係熱朱古力鮮奶，朱古力好濃郁，好香嘅朱古力味，再加上落咗鮮奶，所以飲落口有好清淡嘅奶香。
Post
