羅富記粥麵專家 (Closed)

當九百幾人在樓下以為自己在睇人拍戲，但又唔知人拍咩之際，我正日日夜夜在中環中心對面開夜，有時望下去睇見咁多人，都不禁懷疑，咩香港人唔係好忙既咩？咩唔係無著數的野唔做既咩？真係唔明。十一時許，吃點夜宵才繼續工作。盛記太多，港式又太行貨，都不如來這裡吃碗水餃麵，簡簡單單，又合脾胃。這裡的水餃相當飽滿，有蝦有木耳有筍，喜歡「爆餡」，必定滿意。但我喜歡的水餃，是餡少一點的，因為有時覺得，吃東西也要有點空間，下下啖啖都是肉餡，幾吃不消，真是怪人一個。麵是幼麵，滑而不爽，可幸沒有鹼水味，不用下醋了。平時吃份量會是略少，當夜宵，就剛好。16蚊，經濟抵食。這裡的粥，十年如一天的「靠不住」，但麵食可還是不太差。