Video
Read full review
2024-05-02
3368 views
💈幾年前，熊妹同班豬朋狗友已經拜訪過當時爆紅💥位於尖沙咀山林道的《JUST'er》，係一間都幾有氣氛嘅地面街鋪西餐廳。事隔多年，今日熊妹即興同富妹會過來再試一下。📌店鋪嘅裝修格局都係冇乜特別大改變，依然以紅藍色的霓虹光管砌成嘅「全院滿座」字眼為生招牌，非常搶眼👀，真係每次行過見到都會知道係《JUST'er》。📌餐廳唔算好大有六張四人枱，仲有沙發枱🛋，昏暗嘅環境就形成一間酒吧餐廳嘅格局。📌食物嘅選擇依然係以各類西餐為主，有意粉、扒類、海鮮、沙律、意大利飯等等。📌原來《JUST'er》踏入六周年，仲推出五月份兩大個新優惠，1️⃣逢星期日至四每人最低消費$200 ，每台就可以以$1優惠享用招牌高汁豬仔骨，2️⃣$188可以食魚料理Omakase，西餐廳都可以食Omakase？係新野喎🆕！📌熊妹最鍾意坐近玻璃窗，可以望吓街嘅風景，上一次嚟都係坐返呢個窗口corner位🖼，舊枱重遊，感覺都好興奮！門西淋牛豬仁雞 VS 蝦兵蟹將，$490其實熊妹都上次黎都係食過呢個招牌菜海鮮肉類拼盤，到而家都係有啲念念不忘，所以今次嚟到都想再回味一下。呢個招牌拼盤顧名思義就係食肉同海鮮，包一大隻龍蝦，半隻慢煮春雞，炸軟殼
💈幾年前，熊妹同班豬朋狗友已經拜訪過當時爆紅💥位於尖沙咀山林道的《JUST'er》，係一間都幾有氣氛嘅地面街鋪西餐廳。事隔多年，今日熊妹即興同富妹會過來再試一下。
📌店鋪嘅裝修格局都係冇乜特別大改變，依然以紅藍色的霓虹光管砌成嘅「全院滿座」字眼為生招牌，非常搶眼👀，真係每次行過見到都會知道係《JUST'er》。
📌餐廳唔算好大有六張四人枱，仲有沙發枱🛋，昏暗嘅環境就形成一間酒吧餐廳嘅格局。
📌食物嘅選擇依然係以各類西餐為主，有意粉、扒類、海鮮、沙律、意大利飯等等。
📌原來《JUST'er》踏入六周年，仲推出五月份兩大個新優惠，1️⃣逢星期日至四每人最低消費$200 ，每台就可以以$1優惠享用招牌高汁豬仔骨，2️⃣$188可以食魚料理Omakase，西餐廳都可以食Omakase？係新野喎🆕！📌熊妹最鍾意坐近玻璃窗，可以望吓街嘅風景，上一次嚟都係坐返呢個窗口corner位🖼，舊枱重遊，感覺都好興奮！
門西淋牛豬仁雞 VS 蝦兵蟹將
$490
13 views
0 likes
0 comments
其實熊妹都上次黎都係食過呢個招牌菜海鮮肉類拼盤，到而家都係有啲念念不忘，所以今次嚟到都想再回味一下。
門西淋牛豬仁雞 VS 蝦兵蟹將
$490
3 views
0 likes
0 comments
多汁淫蝦
7 views
0 likes
0 comments
其實本身熊妹唔係點食海鮮，但係上次食過呢款拼盤入邊嘅龍蝦，真係回味無窮！龍蝦同以前嘅size一樣咁大，原隻龍蝦呈上，成條龍蝦肉起出嚟，非常彈牙，沒有用上什麼調味料，龍蝦嘅海鮮味已經出晒嚟，仲要焗到啖啖龍蝦汁都流晒出嚟，重鹹海水味，中間嘅蟹膏仲要勁鮮美，龍蝦味超濃烈，所以話食靚海鮮真係唔需要加任何特別配料，已經可以食到原汁原味😋。
多汁淫蝦
4 views
0 likes
0 comments
焗多汁豬仔骨
6 views
0 likes
0 comments
熊妹本身嚟講都好鍾意食醬汁豬仔骨，因為好鍾意食嗰款偏甜的醬料味道。豬仔骨有五大條骨位，塗上濃烈甜味嘅醬汁烤焗，邊緣位烤得醬汁濃稠一點，連啲骨撰埋都好入味，中間位的豬仔肉就厚實一點，仲有少少肥肉位，肥瘦均勻，又軟又淋，熊妹都真係幾鍾意食豬仔骨🍖嘅原因。
炸軟殼蟹
15 views
0 likes
0 comments
炸軟殼蟹
9 views
0 likes
0 comments
真係原隻軟殼蟹呈上🦀，成隻蟹樣真係出晒嚟。中間切開一半，嘩！真係「哇」咗一聲，都幾多蟹膏蟹，一啖由中間位開始食，成浸蟹膏放入口勁豐滿，連酥炸嘅軟殼一齊食，脆卜卜帶點油份，就咁食半隻都已經感覺到膽固醇即刻飆升，睇嚟呢個禮拜又要減肥啦！
慢煮蒜香春雞（半隻）
5 views
0 likes
0 comments
春雞嘅份量都唔惹少，唔係一隻細雞🐥，大大隻雞髀位同雞翼位免頭鋪上一大堆孜然粉去焗，香料嘅味道超級濃烈，食落去非常驚喜地雞肉嘅每一個部位都係非常嫩滑，認真冇一part係鞋口位，雞皮喺慢煮嘅過程中已經釋出左油脂，變成超薄嘅雞皮，食唔到油脂位，熊妹同富妹都一致幾驚艷呢個慢煮嘅煮法，唔錯！
香脆薯條
食肉梗係配薯條啦🍟！一大堆香脆薯條炸到非常脆口，得閒食一條又點下茄汁，好快就清晒！😆
洋甘菊蜜糖茶檸檬
$43
14 views
0 likes
0 comments
食咗咁多油膩嘢都要飲下茶解膩解濟下。以為熱茶會一壼呈上，竟然係一渣呈上，咁抵飲既？
洋甘菊蜜糖茶檸檬
$43
16 views
0 likes
0 comments
📌尖沙咀「山林道」越開越多食肆，在香港租金昂貴嘅城市，眼見曾經幫襯過嘅餐廳都換哂畫，能夠留在這裏站穩住腳證明已經好有實力，希望《JUST'er》能保持着這份人氣，繼續搖擺不倒。
Post
