圃公館 (Closed)

今晚約左朋友喺灣仔呢邊食飯，近住跑馬地馬場，即係舊伊館對面，有間叫帝盛酒店1/F嘅圃公館，呢度有小菜同邊爐。酒店格局，樓底夠哂高，枱與枱間都有足夠空間，坐得舒服。職員嘅招呼都好到位，好細心，始終酒店入面嘅菜館，有咁上下規模，要求都高d。我地揀左打邊爐，被安排到有電磁爐嘅圓枱。蝦兵蟹將湯底顧名思義，係有蟹、大蜆、青口同蝦，材料豐富，鍋底係我地近期至愛，有少少麻辣，辣度容易入口，較為溫和，朋友唔係太食到辣，就啱哂啦。蟹肉兩隻，有幾隻彈牙大蝦，青口同大蜆就真係幾好大隻，感覺都好足料，288冇記錯，都好抵食。除左海鮮，仲有阿荀、蓮藕、木耳、唐芹等配菜，個人最喜歡，又滲哂d汁，一流配料方面點左手切牛例牌，對得住價錢，花紋分佈均勻，腍身有牛味，但當然就未至於係頂級野，都係二百零蚊，唔貴貴花蚌我平時就少叫，怕唔新鮮又貴，今次呢d又大條，又粗身，淥完都冇縮哂水，新鮮又脆，唔錯四寶丸每樣兩粒，大大粒，有蝦丸、豬肉丸、墨丸同鯪魚，都幾抵食，最緊要係手打，又新鮮又爽雲吞有半打，大大粒，有兩隻蝦肉，好食。午餐肉、皇帝菜都係我至愛。雜菇乾淨，擺放整齊，雖然唔平，鮮冬菇好食。新鮮雞半隻都幾大，成碟咁多，5、6分鐘