好燒式串燒專門店 (砵蘭街)

Open Now

Now Closed

天氣炎熱，好想飲啤酒消暑，配串燒一流，就想起好燒式，坐得舒服，食物有質素。有多款肉類、海鮮、蔬菜、小食類等應有盡有。黑松露菌蝦多士 $68炸得金黃色，賣相吸引。咬開香脆的多士，內裡是漲卜卜彈牙蝦膠。串燒好快上檯，可以選擇辣度或不辣。厚燒玉子 $15: 有蛋香，質感鬆軟西班牙黑毛豬肋串 $30: 有濃厚豚肉香味魷魚鬚 $28，煙韌彈牙鹽燒白鱔 $49 串，白鱔肉厚，外皮香脆，魚肉又彈牙，要趁熱享用。蒜蓉燒蟶子皇 $138/2隻蒜蓉味夠濃又惹味，蟶子彈牙，配上入味的金菇味道一流。馬友 $148燒得剛好，魚肉好嫩滑，不過比大眼雞較多骨，要小心食。