羅麥記 (荃新天地) (Closed)

羅麥記愈開愈多間，之前喺屯門食過，都不錯，估唔到荃灣都新開左間店內坐位好闊，好舒服，平日時間，二個人可以坐四人卡位，唔洗同人迫，幾好。晚餐有二人套餐，價錢都幾抵食。不過由於想試多d嘢食，今次就選擇左散叫佢都好多選擇，見到有人大推蝦多士，就叫左一個試下。包係用暖暖地，好軟既包，加埋面頭調味剛好既蝦，好好食，鐘意點沙律醬既朋友，依個一大碟俾你點，成件事好夾，好食，又彈牙又有小小咬口，60元係貴左d，不過值依個價既依個軟殼蟹包非常巨大，二個人都食唔唒，細食者要注意⚠️，面頭既軟殼蟹炸得剛剛好，外脆內軟，如果再俾多一小碗咖哩汁就更加好喇，因為食到一半，會好快無汁避風塘雞翼就一般般，醃得略厭不太夠味出名既紅豆奶茶，入面有d 冰已經係有紅豆，不過都幾多普通既冰塊mix埋一齊，如果多d 有紅豆既Ice就完美，茶底都幾好，紅豆甜度ok,好淋菠蘿嗰杯就一般般，建議嘗試紅豆奶茶，特別d