羽田日本料理 (Closed)

又係夜一夜到大圍搵食，呢間好近大圍站，last order時間好似係10點半左右~ 我諗唔係太strict, 因為我臨走見佢準備關但都接埋門口睇緊餐牌的情侶。呢日唔係好餓，純粹陪朋友仔食，佢叫左鰻魚飯，我試左啖，鰻魚好入味，魚質偏爽，作為精髓的鰻魚汁浸透左粒粒大米，唔錯但係令人驚喜的係我的天婦羅蝦&南瓜，表面非常脆又唔會油膩，蝦新鮮彈牙，南瓜軟棉棉，以小店質素黎講非常好食完仲有啲口痕，問呀姐有冇邊款沙律啱二人份，姐姐好誠實，唔會hard sell貴野，叫我地試下芒果蟹子沙律~ 上檯其實擺得好靚，不過我撈左先記得影相。。。芒果比想像中甜，青瓜夠爽脆清新，兩個人食剛剛好~