蝦棧 (Moved) New Location

今日凍冰冰得10度，仲要落毛毛雨。咁凍嘅日子梗係要食翻啲暖身嘅野。行過太子日到有間用蝦到主打嘅餐廳，即刻入去叫翻個蝦煲暖下身先。一入到餐廳已經見到好大個魚缸，入面有好多蝦係到游下游下，隻隻都好生猛。我地就叫左一個避風塘蝦煲，煮嘅時候廚師係蝦背𠝹左一刀，所以剝殼比較方便。蝦嘅肉質好彈牙，食落有小小嘅辣，較多嘅係蝦嘅鮮味，炸蒜就增加左口厚。每隻蝦都好多膏，好滿足！一口炸豆腐唔係炸到好香口個睇，睇落似係滷豆腐嘅質感。表面有一啲胡椒粉，好似咬緊魚蛋，質感較有彈性。蘸上醬汁，味道變得更加豐富。香煎墨魚黑白卷個樣好似春卷，入面包左黑白兩隻色嘅墨魚蓉，每隻色有五舊。食落外層好酥脆，內層仲食到一粒粒嘅墨魚肉。生燒海花螺份量都幾多，隻隻啲肉都凸曬出黎，好方便拆肉出黎食。因為個花螺煮嘅時候無落太多調味料，所以食到螺肉嘅原汁原味，好新鮮。黑椒牛仔骨醬汁味道酸酸甜甜 帶少許辣味 醬汁可以用黎送飯 牛肉數量尚算多 配料除加入大量洋蔥外 還有少許黃椒及紅椒 讓菜式的賣相更吸引。