緣屋 札幌元袓蝦湯拉麵 (信德中心)

Open Now

Now Closed

香港好食拉麵店越嚟越少，而日本過江龍店好多開業不久亦保持唔到應有水準，所以喺香港真係越嚟越少食拉麵，但今晚想食拉麵所以嚟到呢間位於上環信德中心嘅緣屋拉麵，緣屋拉麵係日本第一間推出蝦湯拉麵嘅拉麵店亦可以話係蝦湯始祖，香港店湯底分別有蝦湯同豚骨湯，而蝦湯亦有味噌， 醬油同鹽味選擇，我點左味噌蝦濃湯拉麵($76+10%服務費)，湯頭入口真係好香濃，味噌唔會死咸而且好香甜，蝦味亦好濃厚，麵條用上北海道慣用嘅曲身麵，掛湯力高，口感夠滑同好香小麥味，而叉燒肉就薄薄一片比較普通，而另一以蝦湯做主打嘅日本拉麵店X幻我都有食過，個人覺得緣屋做嘅蝦湯唔會比X幻差。