Video
Read full review
2018-03-07
45 views
話說有同事介紹，太子附近有間食蝦既食店好好食，而且仲係用新鮮大頭蝦即撈即煮，所以就決定去花墟買完年花後，好好食餐飯迎接新既農曆年。夜晚7:30去到蝦棧，都唔算好多枱客食緊，心諗唔知食物好唔好食呢？偷望隔離枱，見人食緊既蔥油雞都賣相唔錯，即刻放心少少，準備開懷咁點菜。可能接近新年，餐廳推出左一個二人或四人套餐，二人套餐可點四款主菜($596)，主要都係餐廳出名既菜式，所以我同朋友就毫不猶豫咁決定左點鹹蛋黃炒大頭蝦、帶子炒露筍、雪山焗爐魚（要另加$88）同炒羽衣甘藍，半肉半菜，均衡飲食。😋富貴黃金蝦——<鹹蛋黃炒大頭蝦>等左無幾耐，餐廳越來越多人，我既鹹蛋黃炒大頭蝦終於上場了。雖然大大個煱只有8隻大頭蝦，但係味道絕不欺場，鹹蛋黃同蝦既味道完全配合，而且每隻蝦都好鮮甜，唔太「好」蝦既我都食到好滋味，我朋友更食到䑛埋手指，如果唔係仲有其他菜，一定會再叫多款去試。龍馬精神——<帶子炒露筍>不知不覺間，第二款菜-帶子炒露筍就到啦！呢款菜既size比我預期既細，不過香濃牛油加上洋蔥既甜味，令整個菜既口感好豐富。帶子雖然唔大，但都算新鮮，加上脆卜卜的露筍，好快就食完成碟
夜晚7:30去到蝦棧，都唔算好多枱客食緊，心諗唔知食物好唔好食呢？偷望隔離枱，見人食緊既蔥油雞都賣相唔錯，即刻放心少少，準備開懷咁點菜。可能接近新年，餐廳推出左一個二人或四人套餐，二人套餐可點四款主菜($596)，主要都係餐廳出名既菜式，所以我同朋友就毫不猶豫咁決定左點鹹蛋黃炒大頭蝦、帶子炒露筍、雪山焗爐魚（要另加$88）同炒羽衣甘藍，半肉半菜，均衡飲食。😋
富貴黃金蝦——<鹹蛋黃炒大頭蝦>
等左無幾耐，餐廳越來越多人，我既鹹蛋黃炒大頭蝦終於上場了。雖然大大個煱只有8隻大頭蝦，但係味道絕不欺場，鹹蛋黃同蝦既味道完全配合，而且每隻蝦都好鮮甜，唔太「好」蝦既我都食到好滋味，我朋友更食到䑛埋手指，如果唔係仲有其他菜，一定會再叫多款去試。
龍馬精神——<帶子炒露筍>
不知不覺間，第二款菜-帶子炒露筍就到啦！呢款菜既size比我預期既細，不過香濃牛油加上洋蔥既甜味，令整個菜既口感好豐富。帶子雖然唔大，但都算新鮮，加上脆卜卜的露筍，好快就食完成碟菜啦！
年年有餘——<雪山焗爐魚（要另加$88）>
而當我地享受緊個炒露筍時，侍應已經為我地送上雪山焗爐魚啦！然後侍應為我地條魚點火，而條魚係鹽焗的，侍應小心亦亦將魚的皮切開，已經聞到好香既魚味，我地急不及待為條魚加少少青檸汁，用付上既辣汁點一點，更加令魚既鮮味提昇！我地完全感覺唔到有魚腥味，好食！魚燒得剛剛好，無太多水，都唔會太乾，成件事恰到好處！
祝君身壯健——<羽衣甘藍>
最後，當我地一路食魚時，羽衣甘藍亦都上菜啦。我地都係第一次食呢隻菜，非常有口感，感覺好似好多纖維咁！好清新既，食一啖魚，又食一啖羽衣甘藍，個口感同味覺同時享受緊，非常滿足！
Post
