Video
Read full review
2017-11-22
162 views
餐廳喺太子近花園街近界限街嗰頭，夜晚附近環境比較靜，不過餐廳大大個蝦logo都好顯眼，並唔難搵。一睇logo就知以蝦做主題，無錯，呢度主打台式大頭蝦煲!!一入到餐廳就有大大個水缸，入面全部係生猛嘅大頭蝦，好大堆頭。啲水非常清澈，碧綠嘅水缸本身已經係一個好靚嘅裝飾品，仲有溫度計監控水溫，即撈即煮，保証絕對新鮮!【紫薯酥】逢星期一至四餐廳都會送小食。呢個薯酥仲係溫熱，外皮都幾鬆脆。食落入面就軟綿綿，但味道就冇想像中甜。【薄荷柚子梳打$38 】好清涼嘅飲品，裡面有好多薄荷葉，柚子甜中帶微酸，好開胃，一飲即刻感覺透心涼，爽。【醉雞卷$88】壽司卷就食得多，圓咕碌嘅雞卷就第一次食，仲要係我最鍾意嘅醉雞。網上早排瘋傳一條整醉雞卷影片，可惜我仲未有時間動手一試，呢度有得食，梗係要試，順便偷下師。雞肉唔算好嫩滑但幾有雞味，而且最重要係做到酒味濃郁之餘亦能夠融入雞肉入面，唔錯。每件都有一粒杞子做裝飾，夾埋一齊食，出奇地夾!【鹽燒豬肋條$128】豬肋條肉質軟腍，本身應該係靚豬嚟，外皮亦燒到有少少脆，用鹽燒非常可口，食落油脂唧晒出嚟，好邪惡! 齋食會過鹹，建議叫返個白飯或者魯肉飯嚟配搭。【胡椒蝦$188】主
一入到餐廳就有大大個水缸，入面全部係生猛嘅大頭蝦，好大堆頭。啲水非常清澈，碧綠嘅水缸本身已經係一個好靚嘅裝飾品，仲有溫度計監控水溫，即撈即煮，保証絕對新鮮!
【紫薯酥】
逢星期一至四餐廳都會送小食。呢個薯酥仲係溫熱，外皮都幾鬆脆。食落入面就軟綿綿，但味道就冇想像中甜。
【薄荷柚子梳打$38 】
好清涼嘅飲品，裡面有好多薄荷葉，柚子甜中帶微酸，好開胃，一飲即刻感覺透心涼，爽。
【醉雞卷$88】
壽司卷就食得多，圓咕碌嘅雞卷就第一次食，仲要係我最鍾意嘅醉雞。網上早排瘋傳一條整醉雞卷影片，可惜我仲未有時間動手一試，呢度有得食，梗係要試，順便偷下師。雞肉唔算好嫩滑但幾有雞味，而且最重要係做到酒味濃郁之餘亦能夠融入雞肉入面，唔錯。每件都有一粒杞子做裝飾，夾埋一齊食，出奇地夾!
【鹽燒豬肋條$128】
豬肋條肉質軟腍，本身應該係靚豬嚟，外皮亦燒到有少少脆，用鹽燒非常可口，食落油脂唧晒出嚟，好邪惡! 齋食會過鹹，建議叫返個白飯或者魯肉飯嚟配搭。
【胡椒蝦$188】
主角就係呢個蝦煲，總共8隻蝦，擺得好精美，每隻蝦都已經剪晒鉗同鬚，好細心。蝦肉雪白，果然夠新鮮，蝦味唔算好濃，但近蝦頭位置有好多蝦羔，大頭蝦最妙之處就係隻隻都頭大大，裝滿蝦羔。胡椒蝦肉好惹味，少少微辣嘅胡椒同鮮甜蝦肉好夾。蝦煲總共有10種不同味道選擇，如果人多可以叫多幾款開心share~
【樹子冰菜$98】
食得多肉點都要食返啲蔬菜，之前食過冰菜都係生食，口感特別，估唔到煮過嘅冰菜都依然脆嫩。菜上面有一粒粒透明結晶，真係好貼合佢個名。另外仲有一粒粒嘅樹子，含豐富纖維架，不過入面嘅核都幾硬，食嗰陣要小心唔好(好似我咁)起勢咁咬落去⋯⋯
【椰子雪糕$58】
估唔到雪糕係喺個椰子殼入面，仲配有菊花形狀嘅金匙更，幾有心思。雪糕椰子味夠濃郁，夠香滑。見到隔嚟枱食雪葩，都係用果殼裝住，好似好正咁~
餐廳附近雖然有啲靜，但客人都唔少，好多客人都係嚟食台灣美食並小酌幾杯。臨走先發覺原來除左餐牌食物外仲有啲厨師推介，下次唔可以錯過。
Post
