金飯館貳·零 肉餅·焗飯專門店

Open Now

Now Closed

聖誕假同老公行旺角，佢話帶我去食好好味既炒飯。對住我依個平時咩都話好味既老公，我抱住質疑既態度去嚐一嚐。～蝦頭油🦐炒飯🍚～餐牌寫住必食既蝦頭油炒飯，滿滿既櫻花蝦加上蝦仁 蠔仔同帶子 蛋炒飯。上菜見到配料仲多過飯既炒飯已經令我嚇一嚇，食落脆脆既櫻花蝦配上粒粒分明既蛋炒飯，味道咸淡適中，分量十足。食到後半場再加上豬油豉油，啱哂重口味既香港人。～沙嗲牛肉🐂蛋腸粉～沙嗲牛肉蛋腸粉就不得不提。鮮嫩既牛肉配上略略炒香既腸粉，配搭新奇，牛肉既鮮嫩令我喜出望外。