何必館 (Closed)

何必館- 雖然佢晚飯可能不及七福、灣悅等傳統粵菜餐館，但係去何必館飲茶絕對係一個保證，尤其佢嘅蝦餃，雖然$80 1 籠（其實好多地方而家叫個蝦餃都要60至80）、你會食到佢功夫紮實，蝦彈牙爽口，唔會過濕，放耐啲唔會乾爭爭，皮唔會過硬，咬一啖落去，有少少爆汁，加上筍香，真係回味無窮。荷葉飯：260 半包，即叫即做、熱辣辣足料炸子雞： 一名叼嘴嘅叔叔都話呢間炸子雞好食，雞皮脆，用新鮮雞，雞肉有汁、配檸檬汁同少少准鹽, 美味單尾亦都係一個亮點，基圍蝦炒飯，爽身，碟底冇油，仲想點？傳統甜品譬如菲林卷，蘋葉角、紅棗糕, 黑糖糕、都係上乘之作