陳師傅點心專門店 (Moved) New Location

以點心專門店嚟講，陳師傅嘅水準算係幾高，當中以魚子燒賣皇同精製蝦餃皇最好食，我諗呢兩款都係鎮店之寶，所以每籠只係得兩粒，方便單身或一 pair 嘅客人 order。呢度嘅燒賣同蝦餃都好大粒好飽滿，尤其係後者，啖啖蝦肉好鮮味，餃皮薄得嚟又唔易爛，高汁👍。另外，推介嘅脆皮銀絲腸同香脆芋絲餅都唔錯，前者類似而家好流行嘅春風得意腸，外軟內脆，口感同味道都幾獨特，後者煎得香脆，大大塊好足料，芋頭愛好者應該覺得好滿足。最後，百花釀魚肚正常水準，山竹牛肉球則有少少失望，雖然味道都正常，但係肉質比較腍，有少少發水嘅感覺。