壽司郎 (黃埔天地)

Open Now

Now Closed

自從無晚市堂食就無去食壽司郎，早幾日行過見到呢期期間限定係螃蟹祭，即刻Lunch都去豪食一餐！9款限定蟹品食左其中7樣，首推特大生松葉蟹腳 $22，大大條生蟹柳，平時真係食唔到，有點入口融化的感覺，正！忍唔住Encore多一碟！反而最貴的特大水煮松葉蟹 $27就唔覺得好特別，只係大條，唔係咁抵食。深海紅蟹軍艦 $17 深海紅蟹蟹柳 $22 都無咩特別，特盛紅楚蟹 $17有點實物與圖片不乎，感覺唔夠澎湃，反而特盛蟹肉海苔包 $12有驚喜，蟹肉堆到好高！抵食！松葉蟹茶碗蒸 $19 同平時茶碗蒸一樣有粒元貝，再加蟹肉，食得出有蟹味，唔錯。