蟹慶

Open Now

Now Closed

慶祝我搵到新工，老公話去食返餐好既，老公知我鍾意食蟹，所以帶左我黎呢間食蟹既專門店，餐廳就係sogo隔離幢大廈地庫，非常易搵，一去到門口已經見到勁大隻蟹既裝飾，入到去每張檯都有隻蟹公仔陪住你坐，叫左個蟹慶會席二人前。前菜(3點)前菜有蟹肉沙律、螢光魷魚同埋漬物，第一次食螢光魷魚，咬落滑嘟嘟咁，食落都好香魷魚味。精選廚師發辦刺身刺身有帶子、油甘魚、深海池魚同埋甜蝦，刺身好新鮮，帶子好鮮甜。蟹肉蒸蛋蒸蛋超滑，入口即溶，配埋鮮甜既蟹肉，好好味。蒸毛蟹 (半隻)毛蟹睇落細細隻，估唔到食落咁多肉，餐廳仲好細心地已剪開哂d殼，方便我地食用，肉質鮮甜，蟹膏味亦超濃浜燒松葉蟹腳/浜燒雪場蟹腳燒話既蟹腳好香，雪埸蟹腳較厚身多肉，而松葉蟹腳就較鮮甜。甲羅味噌燒/極品海鮮天婦羅盛合甲羅味噌燒既蟹膏非常濃郁，配埋餅食就冇咁膩。而海鮮天婦羅盛合有蟹、蝦、南瓜同埋蕃薯，天婦羅炸到香脆，炸粉唔會好厚。吸物原來吸物即係湯，係蜆肉麵豉湯，食完一輪蟹之後，飲返個麵豉湯清一清。松葉蟹釜飯呢個松葉蟹釜飯仲落左我最愛既黑松露，既食到蟹肉既鮮味又食到黑松露既香味。甜品甜品有綠茶moouse，綠茶味濃郁，唔會好甜。