Video
Read full review
2022-10-07
125 views
又想食海鮮又想打邊爐，朋友就推介左呢一間呢排都幾出名嘅蒸氣海鮮火鍋餐廳俾我。咁就一於去試一試佢啦，雖然呢佢嘅地點係有啲唔方便，但都係巴士直到嘅地方。所以我搵咗一個平日，book咗夜晚去食。咁就唔使同人迫啦。餐廳職員十分之熱情，就住餐牌上面各樣嘅套餐詳細同我哋一一解說及推介，最後我哋揀咗一個$419嘅套餐。職員好快就拎齊晒海鮮及配料，仲會幫我哋計晒時蒸埋，服務十分之周到。尊貴海鮮套餐 $419（共10款）1. 野生奄仔蟹爆多蟹膏，但係就冇乜肉食。如果攞佢啲蟹膏嚟撈飯一定超級正。就咁食啲膏覺得好奢侈🤣2. 太平洋饅頭蟹超多膏有超多蟹肉，啖啖膏啖啖肉。呢個真係好考我拆蟹肉嘅技巧，而我係真係冇嘅。所以搞張枱七國咁亂。3. 澳洲青年龍蝦龍蝦好大隻，蝦頭充滿着膏，所以我連蝦頭都冇浪費。啲肉有鮮甜又爽口又彈牙！4. 台灣九孔鮑魚鮑魚啲肉好彈，正常發揮，好食。5. 日本野生大赤蝦蝦味鮮甜，同食龍蝦有唔同嘅鮮甜感覺。當然本人更鍾意龍蝦啦！6. 大西洋野生青口青口啲肉蒸完之後宿世左，不過食落口好嫩，唔錯。7. 野生日本深海大刀貝大刀貝好鮮甜，如果可以加埋粉絲一齊蒸就更好啦！8. 日本大元貝呢個都係元貝大大
餐廳職員十分之熱情，就住餐牌上面各樣嘅套餐詳細同我哋一一解說及推介，最後我哋揀咗一個$419嘅套餐。
職員好快就拎齊晒海鮮及配料，仲會幫我哋計晒時蒸埋，服務十分之周到。
尊貴海鮮套餐 $419（共10款）
1. 野生奄仔蟹
爆多蟹膏，但係就冇乜肉食。如果攞佢啲蟹膏嚟撈飯一定超級正。就咁食啲膏覺得好奢侈🤣
2. 太平洋饅頭蟹
超多膏有超多蟹肉，啖啖膏啖啖肉。呢個真係好考我拆蟹肉嘅技巧，而我係真係冇嘅。所以搞張枱七國咁亂。
3. 澳洲青年龍蝦
龍蝦好大隻，蝦頭充滿着膏，所以我連蝦頭都冇浪費。啲肉有鮮甜又爽口又彈牙！
4. 台灣九孔鮑魚
鮑魚啲肉好彈，正常發揮，好食。
5. 日本野生大赤蝦
蝦味鮮甜，同食龍蝦有唔同嘅鮮甜感覺。當然本人更鍾意龍蝦啦！
6. 大西洋野生青口
青口啲肉蒸完之後宿世左，不過食落口好嫩，唔錯。
7. 野生日本深海大刀貝
大刀貝好鮮甜，如果可以加埋粉絲一齊蒸就更好啦！
8. 日本大元貝呢個都係
元貝大大隻，都係鮮甜嘅但就比較普通，同刀貝一樣都係希望可以同粉絲一齊蒸。
9. 韓國釜山珍珠蠔
叫得做珍珠號就知道佢size比較細隻，有淡淡的蠔味。不過食蠔我都係比較愛好食生蠔多啲。
10. 有機蔬菜籃
蔬菜籃入面有娃娃菜、生菜同粟米。冇落任何嘅調料直接食蔬菜嘅鮮甜味。
職員仲送左啲炸魚皮同雪耳椰汁糖水俾我地試，勁驚喜，因為真係超好食。最後食埋啲粥底，粥底及晒海鮮嘅鮮味同埋蔬菜嘅鮮味，仲可以因應我哋嘅口味自己加蔥花或菜譜一齊食，yummy!
Post
