蟹仙海鮮蒸氣鍋 (仁愛街) (Closed)

去開新蒲崗見客，順便約埋同區工作嘅6月壽星食生日飯，大家都好鍾意食海鮮，佢話附近有間幾正嘅蒸海鮮，原來係响其他分店食過嘅蟹仙。最鍾意食佢哋嘅大黃奄~今次同壽星食飯，就揀咗$999 / 2人餐據說海鮮係會揀最好的，比平常食開嘅套餐多咗肉類同丸類，不過我淨係食海鮮，其他嘢就交俾壽星喇 ~哈哈。店員幫我哋將海鮮放落鍋，夠鐘就來夾俾我哋，好貼心👍虎蝦爽口又鮮甜，好食龍蝦肉質非常爽甜，啖啖肉，好正呀！蟹有頂角膏蟹或大黃奄， 我哋揀大黃奄。蟹膏爆到瀉，軟滑甘香，肉質結實鮮美，回味無窮。太平洋饅頭蟹有啲似麵包蟹，清甜多膏，好鮮味。南非鮑魚好大隻，鮮甜彈牙，正呀！月亮貝肥美清甜龍躉片魚味濃郁，魚皮充滿骨膠原。蠔隻肥美多汁， 蠔味十足。新鮮嘅蔬菜， 生菜爽脆，粟米清甜， 娃娃菜腍甜。响開始蒸海鮮前，店員先將材料倒入蒸氣石鍋內煮粥。食完蒸海鮮，匯聚各種海鮮精華嘅粥就出爐， 海鮮粥味道鮮美， 好飽啊。食完粥仲有椰汁燕窩， 夠晒滋潤養顏呀。好味又回味嘅一餐。