永利威酒業有限公司

Open Now

Now Closed

每逢蟹既季節，自己都會出去餐廳食大閘蟹套餐，因為有人整晒比自己，坐係度就有得食。食得多都會想轉下，今年就諗不如買蟹番去自己蒸嚟食。係上環永樂街買幾隻蟹試下番去自己整，鋪頭專賣大閘蟹，而且係老字號，就咁睇蟹都有好多唔同價錢，仲有分公乸。揀完蟹見佢地仲係活生生識郁，夠晒新鮮。鋪頭當然仲有其他食大閘蟹會有既野，好似蟹醋，酒等等。番到屋企先洗乾淨蟹，放幾片紫蘇葉於蒸鍋既水中煮沸，蟹不解水草，肚向上放係盤中隔水猛火蒸20分鐘。蒸好已經急不及待去食，首先揀左隻公蟹。打開蟹蓋已經見到黃色啫喱狀既蟹羔向我招手，蟹羔入口口感滑溜，蟹身中間位置同樣有蟹羔，所以其實一隻蟹已有大量蟹羔。食完蟹羔，再食蟹身同埋蟹腳既肉，十分鮮甜。食完蟹公再食蟹乸，打開蟹蓋一樣見到蟹羔，但今次就係偏橙色既羔，入口頗有口感，但感覺上羔既份量好似比公蟹還要多。食完蟹，整番杯薑茶當然係指定動作。其實今次都係第一次買大閘蟹番屋企自己整，出嚟既效果又真係拍得住出面食，什至蟹既本身更勝出面餐廳所用既蟹。睇嚟以後每逢蟹的季節我都會係屋企食蟹。