Video
Read full review
2013-10-09
32 views
早幾日嗰friend 話去試菜，試私房菜，但係竟然係間麵店度？咁有趣就緊係試試啦。原來呢間蟹麵膳啱啱新開，D師傅之前有做開私房菜，呢個場係中環，夜晚都冇咁多客食麵架喇，咪試下推私房菜囉。係麵店食私房菜，真係第一次。蟹肉冬蓉羹，真係大鄉里，未食過，上枱時重以為係翅，嗰師傅話佢出道嗰陣好多酒家擺酒唔食翅就通常食呢味，不過近呢十幾二十年都冇乜人做喎，因為功夫多。呢個羹上枱時超熱，啱晒我心水，一飲第一樣嘅感覺係，咁鮮甜嘅？唔通落味精？問嗰師傅，佢話係因為用左真正蟹湯做底，所以有呢種效果。佢重話全部餸菜一樣都冇落味精，呢樣嘢就唔使人講嘅，食完返屋企，咦，真係冇口渴喎。得。另一樣好食嘅係蟹粥，粥底得呢樣唔奇怪，話晒都係蟹店吖嘛，竟然用隻大花蟹擺係面，即係話用左一D蟹煑粥取其味，再用另一隻花蟹上枱等食起黎唔會冇哂味，隻花螚好新鮮同厚肉，真係唔食對唔住自已。有讚都有彈，有幾味其他嘅，例如黄金蝦佩番茄麵，大隻粉絲元貝，豉油皇炒麵，同埋金不換炒蜆，火候同味道嘅掌握都唔錯，但係上枱都係唔夠熱，以小店黎講厨房係正格離，呢樣野要改善喇。講開又講，嗰兩個師傅(唔通係老細?)係我地食到咁上下嗰陣都有出黎吹下水，聽下
原來呢間蟹麵膳啱啱新開，D師傅之前有做開私房菜，呢個場係中環，夜晚都冇咁多客食麵架喇，咪試下推私房菜囉。係麵店食私房菜，真係第一次。
蟹肉冬蓉羹，真係大鄉里，未食過，上枱時重以為係翅，嗰師傅話佢出道嗰陣好多酒家擺酒唔食翅就通常食呢味，不過近呢十幾二十年都冇乜人做喎，因為功夫多。呢個羹上枱時超熱，啱晒我心水，一飲第一樣嘅感覺係，咁鮮甜嘅？唔通落味精？問嗰師傅，佢話係因為用左真正蟹湯做底，所以有呢種效果。佢重話全部餸菜一樣都冇落味精，呢樣嘢就唔使人講嘅，食完返屋企，咦，真係冇口渴喎。得。
另一樣好食嘅係蟹粥，粥底得呢樣唔奇怪，話晒都係蟹店吖嘛，竟然用隻大花蟹擺係面，即係話用左一D蟹煑粥取其味，再用另一隻花蟹上枱等食起黎唔會冇哂味，隻花螚好新鮮同厚肉，真係唔食對唔住自已。
有讚都有彈，有幾味其他嘅，例如黄金蝦佩番茄麵，大隻粉絲元貝，豉油皇炒麵，同埋金不換炒蜆，火候同味道嘅掌握都唔錯，但係上枱都係唔夠熱，以小店黎講厨房係正格離，呢樣野要改善喇。講開又講，嗰兩個師傅(唔通係老細?)係我地食到咁上下嗰陣都有出黎吹下水，聽下佢地點樣試唔同嘅方法去煮餸，真係覺得佢地幾有Heart，香港要多D呢D有Heart嘅人。小店要多D支持。
總括黎講，呢間店值得一試，特别係上面提嗰幾樣招牌嘢。
Post
