Video
Read full review
2021-12-08
303 views
蟹肉蟹膏墨魚汁意大利飯🦀蟹肉蟹膏都盛載喺蟹殼入面，上面仲有少少蟹籽，堆成一座蟹肉小山，望落相當搶眼，同底下黑色嘅墨魚汁意大利飯形成鮮明對比，食嘅時候可以將三者mix埋一齊，加埋落意大利飯度口感就更加豐富🥄蟹肉嘅份量相當足夠，蟹殼入面真係全部都係蟹肉，無加到其他食材墊底，啖啖蟹肉，如果啲蟹肉係熱啲嘅就更好👌意大利飯唔會煮到好腍，保留少少硬身有咬口，醬汁剛剛好黏附喺飯粒上，冇多餘嘅水份，味道適中~加$38可以轉set配餐湯同埋飲品，是日餐湯係椰菜花湯，不過今日想留肚食甜品，所以就冇轉到setHomemade tiramisu 🧁依度嘅tiramisu用杯裝住，底層係鬆軟而咖啡味香濃嘅手指餅，上面嘅忌廉十分幼滑，佔咗大約2/3，如果鍾意多cream嘅應該都會幾喜歡，好想再有多啲可可粉啊🍫
蟹肉蟹膏都盛載喺蟹殼入面，上面仲有少少蟹籽，堆成一座蟹肉小山，望落相當搶眼，同底下黑色嘅墨魚汁意大利飯形成鮮明對比，食嘅時候可以將三者mix埋一齊，加埋落意大利飯度口感就更加豐富🥄
蟹肉嘅份量相當足夠，蟹殼入面真係全部都係蟹肉，無加到其他食材墊底，啖啖蟹肉，如果啲蟹肉係熱啲嘅就更好👌
意大利飯唔會煮到好腍，保留少少硬身有咬口，醬汁剛剛好黏附喺飯粒上，冇多餘嘅水份，味道適中~加$38可以轉set配餐湯同埋飲品，是日餐湯係椰菜花湯，不過今日想留肚食甜品，所以就冇轉到set
Homemade tiramisu 🧁
依度嘅tiramisu用杯裝住，底層係鬆軟而咖啡味香濃嘅手指餅，上面嘅忌廉十分幼滑，佔咗大約2/3，如果鍾意多cream嘅應該都會幾喜歡，好想再有多啲可可粉啊🍫
Post
