AGE Cuisine Express (Moved) New Location

「法國膏蟹肉扁意粉配蟹膏忌廉汁」 ($158)評分：7.5/10.好食而又隱蔽嘅餐廳當然要齊分享 !!! 呢間瑟縮系鰂魚涌工廈一角嘅西餐廳，真係唔講都唔識去。因為果度實在完全唔似有得食嘢嘅地方。😂 但見到唔少人都紛紛推介呢個金黃色外表華麗至極嘅意粉😋 於是自己都去咗試 😁 蟹膏忌廉汁煮得略嫌唔夠 creamy, 如果再漿口啲就好喇😍 佢哋用嘅係扁意粉 linguine, 但感覺扁意粉本身唔系好吸汁，所以唔算超級入味。其實覺得用普通pasta 會夾啲。不過一直以來都冇見過有搵蟹膏做主題嘅意粉，系幾有新鮮感同gimmick 嘅～值得一提系店內空間其實好的式，只能夠容納約20位客人。所以我覺得佢地都係本住重視食物質素多於客流嘅精神開店嘅。如果係週末想去試嘅話不妨先打電話去訂位。