Video
Read full review
2017-08-02
2022 views
是咁的~今日公司team人慶功 我呢個啱啱新黎冇耐嘅小薯仔都有得一齊食飯 當然地點食咩都唔到我話事啦 都係突然知道原來黎呢到食蟹~~其實本人由細到大都幾鐘意食蟹 屋企煮飯以前都要蒸d三點蟹加餸 不過近年百物騰貴 晚飯都好少用蟹加餸喇 今次黎呢間高級野食蟹 真係未出發先興奮呢到好多選擇 你可以散叫 亦可以叫餐唔洗煩 淨係一人餐都好多選擇 仲有d二人三人餐啦 當然餐會貴d 不過公司慶功wo 咁唔洗太擔心貴啦 叫左個中等價錢嘅一人餐（其他同事都係各自各叫一人餐）第一道上枱嘅係薄切立魚刺身，蟹腳，蟹鉗薄切立魚真係錚考刀功 你睇立魚魚身晶瑩剔透就知用料有幾新鮮 魚身乾身薄到好似燈影牛肉咁透曬光 食落口就一d都唔淡 唔會因為薄切而影響魚味 反而因為薄切 令到咬落唔會有筋 魚肉實淨得黎亦好香腍 正呀至於蟹鉗同蟹腳 蟹味唔係特別濃 係慢慢咁喺個口滲出黎 唔錯唔錯炸蟹蓋 佢有用蟹肉同大量椰菜絲做嘅炸蟹蓋 熱辣辣的確好惹味 不過因為椰菜數量多而且上面嘅茄汁味濃 所以都真係唔係好食到有蟹味 只係一個普通嘅炸蟹蓋 個人覺得蟹肉同椰菜嘅量太唔平衡 所以唔太食到蟹味左至右分別係牛肉薄燒 炒雜菜 炙燒蟹腳 胡麻沙律
呢到好多選擇 你可以散叫 亦可以叫餐唔洗煩 淨係一人餐都好多選擇 仲有d二人三人餐啦 當然餐會貴d 不過公司慶功wo 咁唔洗太擔心貴啦 叫左個中等價錢嘅一人餐（其他同事都係各自各叫一人餐）第一道上枱嘅係薄切立魚刺身，蟹腳，蟹鉗薄切立魚真係錚考刀功 你睇立魚魚身晶瑩剔透就知用料有幾新鮮 魚身乾身薄到好似燈影牛肉咁透曬光 食落口就一d都唔淡 唔會因為薄切而影響魚味 反而因為薄切 令到咬落唔會有筋 魚肉實淨得黎亦好香腍 正呀至於蟹鉗同蟹腳 蟹味唔係特別濃 係慢慢咁喺個口滲出黎 唔錯唔錯
炸蟹蓋 佢有用蟹肉同大量椰菜絲做嘅炸蟹蓋 熱辣辣的確好惹味 不過因為椰菜數量多而且上面嘅茄汁味濃 所以都真係唔係好食到有蟹味 只係一個普通嘅炸蟹蓋 個人覺得蟹肉同椰菜嘅量太唔平衡 所以唔太食到蟹味
左至右分別係牛肉薄燒 炒雜菜 炙燒蟹腳 胡麻沙律 呢碟真係好正 左邊嘅牛肉薄燒可以話係成晚最正嘅一味 order嘅時候仲會問我地幾成熟 我就要左5成 5成真係啱啱好 因為牛肉咁薄身 上枱之後仲會要自己肉身嘅溫度繼續煮塊肉 所以叫生d係唔怕 牛肉肉味好香濃 仲包住入面嘅烤蒜片真係好惹味好香口正炒雜茶冇咩野好講 個人覺得可以落番d麻油令佢更香 不過淡口d都OK嘅
燒蟹腳就正過頭先上面嘅蟹腳喇因為蟹腳燒左之後令佢味道更出 而且蟹肉幼嫩鮮甜 呢碟有四舊可以慢慢食 真係好正
胡麻沙律都唔錯 胡麻醬適量唔會過多 幾好
呢個餐仲有兩隻燒生蠔 呢到又係可以話係最正之一 蠔味濃海水味足但唔會過重 冇咩金屬味啱我 相信蠔應該都係來至澳洲之類海水比較靚嘅地方 咁先會令隻蠔又大又肥美（金屬味唔係講緊污染 好似法國嘅生蠔就出名重金屬味 咁係因為果到海水比較多微量元素啫 但係絕對乾淨嘅）燒生蠔真係好正好正
銀鱈魚西京燒 啱啱前幾日（上一篇食評）食過間燒到燶嘅銀鱈魚西京燒 職員仲同我講係咁嫁 正宗唔食皮嫁 er...可能我今晚呢間嘅西京燒唔正宗啦（一定係除非唔係）佢嘅銀鱈魚燒得啱啱好 少少燶邊得黎仲保持到原有嘅魚色 而且今次就真係用真。銀鱈魚唔係鱈魚喇（上一篇食評），魚肉細嫩幼滑 魚油香 極品呀如果塊皮可以再燒燶番少少少少咁就perfect喇 不過已經好正喇
最後最後 蟹肉麵豉湯同蟹肉飯 先講個湯啦 講真同出面普通d日式小店set嘅麵豉湯差唔多味 呢到我覺得仲咸d Tim 個人就唔係好識欣賞麵豉湯喇
呢個蟹肉飯唔係睇佢好似冇咩色水 應該會好淡冇咩味 咁就錯喇 諗深一層蟹肉飯冇咩色好正常 呢個應該係用鐵板將拆左嘅蟹肉同飯炒埋一齊 而且係快炒 因為蟹肉一絲絲 好易熟炒得太耐會過龍 快炒可以好快咁將蟹肉肉香逼出再混入喺飯入面 成碟炒飯亦唔洗落太多d味淋果類去提升味道 因為過多調味料只會搶左淡淡嘅蟹香 所以呢位師傅掌握呢個飯掌握得好好 唔需要炒太耐只要幾蟹肉味逼出 收緊飯粒嘅水份就搞掂 雖然講係咁講但整唔整到就唔係人人得喇
都係一個字 正呀！
最後附上個餐嘅details俾大家參考下
總括黎講 呢到雖然主力食蟹 但其他野嘅水準都好高 好似牛肉薄燒 生蠔咁 絕不馬虎 水準仲幾高 反而以一間主力食蟹嘅店黎講佢嘅蟹又唔係真係好頂級上曬神枱咁 當然啦可能我個餐唔夠高級 叫再貴d嘅可能就真係可以食到好正嘅蟹喇第時有機會帶我女朋友仔黎試下先
Post
