張公館

Open Now

Now Closed

天氣凍咗好想食蟹，約朋友嚟出晒名嘅張公館，蟹逅美食。餐廳幾grand, 望維港聖誕燈飾大海景。坐低就有以蠟燭熱住嘅茶同精緻小食，待應會幫忙斟茶。枱與枱之間空間充裕，私隱度高。 #羊肚菌松茸竹笙花菇燉湯好濃郁嘅湯，鮮甜嘅各種菇菌，燉出一種特殊香氣，加上完全冇味精，開胃暖胃。 #蟹粉小籠包大大粒，比一般大兩三倍，而且好重嘅蟹肉蟹膏味，浸喺熱辣鮮甜嘅湯汁。 #蟹粉時蔬大大盤，好清新嘅波菜，配搭超濃厚蟹粉，齋睇已經好養眼。味道中和得啱啱好，唔會飽濟。 #香炸蝦球炸物有淡淡嘅蝦香，配搭醬汁，惹味之選。而且蝦膠打啱啱好，口感彈牙。 #蟹粉拌稻庭麵麵質滑溜，每啖掛住蟹粉。稻庭麵配搭味道略淡嘅蟹粉，啱啱好唔會搶。 整體感覺舒適、味道唔錯、價位合理，值得再嚟。