德美壽司

Open Now

Now Closed

尖沙咀真係有好多唔同嘅居酒屋，今次就去咗一間德美壽司。首先叫一份鱈場蟹鍋。鍋內已經包含蟹肉、蟹柳、獅子狗、野菜、粉絲，仲可以另外加鳥冬同豆腐。鍋底湯頭鮮甜，滋味濃厚，將各種食材嘅鮮味完美展現。蟹肉鮮嫩；蟹柳帶著豐富嘅蟹味，獅子狗彈牙有嚼勁，配合多款新鮮蔬菜同粉絲，令味蕾享受到多種層次嘅風味。加埋鳥冬同豆腐，更添豐富口感同飽肚感。而三文魚小卷則是清新爽口嘅選擇。三文魚卷裡包裹著鮮嫩三文魚肉，每一口都帶來淡淡嘅海味，鮮美可口。食完所有美食之後，店員更會送上一份免費嘅甜品，綠茶泡芙。淡淡綠茶味道伴隨著甜甜奶油，清新怡人。