PAPI (Closed)

焗南瓜、石榴籽、啤梨及芝士沙律 ＄108色彩好繽紛，唔同顏色既蔬菜配搭出黎既沙律，未食都覺得好好味。一開始望落黃色既水果以為係芒果，原來係南瓜但已經煮到好淋，唔錯。呢款沙律用咗好多市面上比較少見既水果，例如：啤梨、石榴籽等等，配上沙律菜同火箭菜味道都幾好味香煎蟹餅配紅椒蜜糖 ＄118呢個蟹餅真係好好好味，因為市面上所謂既蟹餅都唔會100％用蟹肉做但呢到既蟹餅係用真蟹肉做，切落係有一絲絲蟹肉的質感，用料十足，真係要俾個讚 上枱時熱辣辣而且香氣撲鼻，配上紅椒蜜糖味道增加了甜甜地既味道，都好特別Pizza Alla Procidana $168Pizza 用了風乾意大利車厘茄，蒜蓉及煙芝士，芝士係遍滿整個pizza , 一D都唔會覺得膩，因為有車厘茄增加酸酸地既味道。 唔太喜歡食蕃茄既小妹都覺得個車厘茄幾好味，因為經過風乾，少咗一陣蕃茄既草青味。薄餅餅底好薄，係手工Pizza, 所以唔會覺得好膩，2個人都食得哂總括，小妹覺得呢間餐廳價錢唔係好平價，但環境好舒服，職員態度好好，同幾個朋友一齊黎食吹下水都唔錯