沙嗲王 (Closed)

平時經就經過得多,不過食lunch就真係未試過,今次朋友有COUPON,就叫我地一齊去試下,唔知係咪真係沙嗲王呢?一開始見到menuD小食已經好吸引,好多款可以揀,唔知朋友們想唔想試呢,希望佢地想喇,不過都勁多人等緊位，唔知幾時先到我地,不過睇住個MENU等,一路引住我地唔想走,更何況突然間都諗唔到食咩嫁喇，等左大約15-20分鐘就已經有位比我地喇,LUNCH時間,就揀LUNCH,我就要個招牌白咖哩豬扒飯，我自己真係未試過白咖哩,原來佢又香又甜,好搞笑種感覺,甜甜地但又係咖哩黎！之後朋友叫左蟹黃豆腐煲,黎到既時間熱辣辣,好香好香,試左一啖,跟飯食一流,不過朋友話自己食哂成個就好膩,不過係好食既,終於到小食喇脆蝦卷 ,一般正常都唔錯既, 但個炸軟殼蟹就真係多油得濟,不過味道係唔差既, 仲有好多特色飲品,可以一試。