亞蟹 (Moved) New Location

你以為係香港餐廳淨係食到罐頭蟹肉？亞蟹好多菜式都係新鮮蟹肉製造架，仲可以叫埋隔離亞蝦嘅菜式，好味到諗起都想再去食多次。依個叫黑胡椒蝦煲，佢係利用陶鑄鍋保溫，確保係送到客人面前都keep住溫度。蝦嘅肉質彈牙，味道鮮甜，黑胡椒味道出奇地好出！滲曬落啲蝦肉到。粟米蟹肉湯顧名思義啖啖都係蟹肉加粟米，蟹肉幾鮮味，粟米香甜爽口無渣。欖角炒蟹，蟹嘅蟹膏唔多可能滲曬落去汁到，但蟹肉就好大舊，啖啖肉，肉質唔霉 仲好鮮甜，好濃欖角嘅鹹香，蟹鉗好細心咁扑爛咗個殼，方便進食。最緊要係食完隻蟹，淨底嘅蟹膏汁可以煮自選嘅麵。我地揀咗我都唔記得咗叫咩嘅麵，但佢質感係比讚歧烏冬更加煙un，而且麵條闊身，可以掛到好多醬汁，啲醬汁係成碟麵嘅精華所在！最後係蟹餅，外層有少少脆口，入面係啖啖蟹肉，好足料，而且好香口。