蟹仙海鮮蒸氣鍋 (Closed)

之前聽朋友講元朗有間蒸氣鍋海鮮好正，當然要同屋企人去試吓，係元朗近千色後面既蟹仙。我哋揀咗每人298 既set。一開始服務員幫你處理左個粥底先，粥底有排骨南瓜等等。。先來日本大元貝，越南貴妃蚌，呢兩樣都好大隻，爽口又彈牙，還有啖啖海水味！深海龍躉片，肉質厚，有魚味又重膠質！泰國海中蝦，中size, 食落亦十很爽口！翡翠九孔鮑魚，清潔得很乾淨，啖啖肉！重點澳洲青年龍蝦，每人半邊，未蒸之前一望就已經嘩出來，好新鮮，仲識得郁，肉爽，有口感，很鮮味，服務員說其中一隻公，也有膏，好正！最後主角出場，就係越南頂角膏蟹，服務員一直幫我地把海鮮放進碢裡，我哋客人是不需要自己來，到這個膏蟹，他放進鍋裏時有些少技巧，原因我也見到蟹上面真係非常多膏，瀉出來撳掣，所以見面高膏汁在鍋中蒸的時候溜下去，要用蟹蓋包蟹身，這樣就可以食蟹嘅時候食晒啲膏，我唔識形容，太多膏吧！最後，有一個有機蔬菜籃，裏面是娃娃菜同南瓜，連同剛整好嘅粥底食，很滿足，足底份量應該每人有3碗！到最後也有一個燕窩甜品，人均三百元很難得吧！值得一讚，店內服務十分周到，店長和靚女姐姐的熱情差點把我們嚇壞🤣🤣