Video
Read full review
2016-04-24
4043 views
友人知我鐘意食法國菜，特登帶我黎soho 食呢間chateau aqua食生日飯，估唔到好有驚喜！呢度生蠔好出名仲要係我至愛，即刻叫左半打，食之前靚仔侍應仲會同你悉心講解點樣食係最好。我地order 左 Orstra’ Or, Magnifica同Lambert. 呢度開蠔師傅唔會好似出面既師傅開完掉去水到浸，而係原隻開送上，所以仲會keep到當地既海水味，非常新鮮同原汁原味。Orstra’ Or 比較薄身，入口爽滑又夠海水味。而Magnifica 較大隻同creamy，淡淡既蠔味不斷湧現，口感份量十足。最後食果隻Lambert係我至愛，雖然最細隻係佢，但係佢就偏偏令你擁有極豐富既味覺享受，入口先有海水既咸味，慢慢內裡既鮮甜就從舌頭沁出黎，令人回味無窮。第二道係香煎鵝肝配黑松露沙律，鵝肝又係我好鐘意食既其中一道法國菜，呢度配既黑松露醬一d都唔孤寒，將鵝肝味道更加升級。之後呢碟主菜燒羊脾先係重頭戲，出面幾乎無餐廳會原隻羊腿咁上，鐘意食羊肉的我望見都興奮，真係多謝友人既悉心安排。靚仔侍應將咁大隻羊脾係你面前慢慢切份。不能不讚呢隻燒羊脾燒得岩岩好，外脆內軟，肉質嫩滑，沒有很重的羊騷味，反而多
呢度生蠔好出名仲要係我至愛，即刻叫左半打，食之前靚仔侍應仲會同你悉心講解點樣食係最好。我地order 左 Orstra’ Or, Magnifica同Lambert. 呢度開蠔師傅唔會好似出面既師傅開完掉去水到浸，而係原隻開送上，所以仲會keep到當地既海水味，非常新鮮同原汁原味。Orstra’ Or 比較薄身，入口爽滑又夠海水味。
而Magnifica 較大隻同creamy，淡淡既蠔味不斷湧現，口感份量十足。
最後食果隻Lambert係我至愛，雖然最細隻係佢，但係佢就偏偏令你擁有極豐富既味覺享受，入口先有海水既咸味，慢慢內裡既鮮甜就從舌頭沁出黎，令人回味無窮。
第二道係香煎鵝肝配黑松露沙律，鵝肝又係我好鐘意食既其中一道法國菜，呢度配既黑松露醬一d都唔孤寒，將鵝肝味道更加升級。
之後呢碟主菜燒羊脾先係重頭戲，出面幾乎無餐廳會原隻羊腿咁上，鐘意食羊肉的我望見都興奮，真係多謝友人既悉心安排。
靚仔侍應將咁大隻羊脾係你面前慢慢切份。
不能不讚呢隻燒羊脾燒得岩岩好，外脆內軟，肉質嫩滑，沒有很重的羊騷味，反而多左種肉的鮮味，連不大爰吃羊肉的友人都讚好。
食完羊脾之後仲係七分飽，所以叫廚師上左份open food －（唔記得叫咩面） 牛肉白菌闊條面，牛肉同白菌配搭得宜，只係略嫌忌廉汁不夠。最後呢個肉桂蘋果芝士卷為今次既生日飯劃上完美句號，香味濃郁既cream芝士配上肉桂蘋果肉，只能說唇齒留香，極度推薦！
Post
