蠔門宴 (Closed)

（蠔門宴）自從開始食蠔之後，就不時留意不同有質素蠔供應的餐廳。今晚俾我搵到一間位於九龍城主打廣島蠔的餐廳。餐廳內部同外邊繁喧嘅九龍城真係兩係截然不同嘅氛圍，非常寧靜輕鬆。話不多說，侍應為我地介紹左幾款黎自法國同廣島嘅蠔。先講講法國來的La Reine (fr)：有淡淡的煙薰味，海水味相對較淡，接住係Sentinelles (fr)：特別之處係佢甜味高，較爽口，非常回味。接住就試廣島蠔Lwakaki (JP)：海水味最重，較咸，蠔身較細小，順便一提佢嘅殼好靚（haha)。最後係Komachi 2L(JP)：係體型最大最飽滿嘅蠔，爽滑口感，啖啖肉很有滿足感，海水味中傭，口感十足接住就叫左一個金門什錦刺身：一句到尾就是鮮！特別係帶子非常鮮甜，劍魚腩充滿魚油香。說到串燒must have item 就一定係雞泡干，燒汁味剛好而且非常鬆脆，大愛。最後叫左個江田島蠔飯做一個完美嘅結尾， 珍珠飯煮好後用特別調製嘅蠔汁略炒至香，食落有淡淡嘅蠔油味，但更多嘅層次，帶甜味，米飯軟硬度不錯，值得一試。