Naked Gurume Gyarari (Moved) New Location

我可以話係一名百份百「蠔精」，最愛食蠔。今晚，朋友帶我去主打fusion菜的Naked搵好嘢食。炸蠔以點心竹籠上枱，一睇，炸得金黃色脆的蠔放在蠔殼上，下面有黑色醬汁。咬下，蠔肉超鮮美爆汁的，小心燙口，黑色醬汁入口帶鮮味，鮮上加鮮，應該係墨魚汁。另一款炸蠔，配上粉色的酸香沙律醬，幾開胃。吃過炸蠔，仍未滿足，再來一隻鯷魚汁海葡萄生蠔，肥美鮮爽又鹹香，yummy yummy!禮拜四先有得食的牛骨髓牛肉壽司卷，醬汁用牛骨髓長時間熬煮而成，夠香夠濃。壽司內面包有脆卜卜的天婦羅蝦，再配上醬燒牛肉薄片一齊食，滋味無窮!呢一件大啡菇釀蒜香芝士意大利飯，夠香夠惹味，芝味滿口。最後先嚟的羅勒醬松子毛豆烏冬，烏冬食起來爽彈，又沾滿左羅勒醬香味，松子毛豆有咬口。不過，橄欖油太多了，入口油淋淋的。