Video
Read full review
2023-09-20
192 views
餐廳係一樓，一入門口就見到個冰櫃放咗各款生蠔，而入面有吧枱有卡位。坐底之後就侍應俾一張日本地圖我哋，上邊寫咗今日唔同地區新鮮到貨嘅生蠔。嚟得居酒屋第一樣梗係叫酒，呢到啲Highball有好多隻唔同嘅生果口味，由期係柑橘，有九洲唔同品種揀。叫咗一杯🍊宮崎”日向夏”柑橘威士忌梳打同埋🍓博多”甜王”草莓威士忌梳打。兩杯同時連埋送酒小菜一齊到，係柚子木魚蘿蔔。先點咗一客胡麻醬鰤魚。魚生點胡麻醬原來咁夾，飲多兩啖就點半打生蠔食下。試咗三個產地：🦪北海道厚岸產「マルえもん」🦪兵庫相馬產🦪長崎五島列島產北海道「マルえもん」最Creamy好食。兵庫就金屬味重啲清新類。長崎最重海水味。差唔多時間，每人叫多個主食Share。廣島蠔鹽拉麵，有成5隻蠔，鹽湯的確提昇到鮮味，飲啖湯暖下胃好爽。Oyster Peperoncino，香蒜欖油意粉通常用鮮蝦做，改用廣島蠔一樣惹味。成餐蠔宴大約每人$500，但係食材質素的確係高。
餐廳係一樓，一入門口就見到個冰櫃放咗各款生蠔，而入面有吧枱有卡位。坐底之後就侍應俾一張日本地圖我哋，上邊寫咗今日唔同地區新鮮到貨嘅生蠔。
嚟得居酒屋第一樣梗係叫酒，呢到啲Highball有好多隻唔同嘅生果口味，由期係柑橘，有九洲唔同品種揀。叫咗一杯🍊宮崎”日向夏”柑橘威士忌梳打同埋🍓博多”甜王”草莓威士忌梳打。兩杯同時連埋送酒小菜一齊到，係柚子木魚蘿蔔。先點咗一客胡麻醬鰤魚。魚生點胡麻醬原來咁夾，飲多兩啖就點半打生蠔食下。
試咗三個產地：
🦪北海道厚岸產「マルえもん」
🦪兵庫相馬產
🦪長崎五島列島產
北海道「マルえもん」最Creamy好食。兵庫就金屬味重啲清新類。長崎最重海水味。
差唔多時間，每人叫多個主食Share。
廣島蠔鹽拉麵，有成5隻蠔，鹽湯的確提昇到鮮味，飲啖湯暖下胃好爽。
Oyster Peperoncino，香蒜欖油意粉通常用鮮蝦做，改用廣島蠔一樣惹味。
成餐蠔宴大約每人$500，但係食材質素的確係高。
Post
