Video
Read full review
2015-08-14
758 views
食法國菜，真喺唔可以趕，要慢慢食，慢慢嘆，咁先體驗到當中嘅飲食樂趣。經朋友推介摸到上嚟荷里活道嘅Chateau Aqua Oyster & Restaurant，單睇店名，就知喺一間嘆生蠔嘅法國餐廳。是夜同親友嚟到月下共酌，應該只喺小酌，拋開工作煩惱，好好細味每道菜餚。餐廳在大廈3/F全層，地方非常寬趟闊落，兩邊偌大嘅玻璃窗，可以睇到樓下街景。一入門口有個巨型魚缸，牆上嘅電視不停播放跟海洋相關嘅紀錄片，連同店名採用「Aqua」一詞，足見店主應喺愛海之人。再者，木地板、木枱配枕手皮椅，一室法國莊園內嘅小餐館，坐落挺舒服 ！此外，又有唔少跟酒嘅相關擺設、書藉，雖然，全部都喺法蘭西字，唔多識睇，但感覺挺有趣。晌樓下見到佢有個午市餐牌，寫住「For Your Health, We Only Serve Bottle Water “FREE”」，初頭都諗，免費得嘅都喺啲普通牌子嘅蒸餾水，請你飲又飲得幾多 。枱枱早已放低兩支藍色樽身嘅玻璃樽裝水，再細望，喺嚟自意大利Santa Vittoria嘅礦泉水，雖然，唔太認識依個品牌，亦唔知要幾錢一支，但咁嘅安排已俾人一份好體貼、優質嘅感覺，唔會有種斤
餐廳在大廈3/F全層，地方非常寬趟闊落，兩邊偌大嘅玻璃窗，可以睇到樓下街景。一入門口有個巨型魚缸，牆上嘅電視不停播放跟海洋相關嘅紀錄片，連同店名採用「Aqua」一詞，足見店主應喺愛海之人。再者，木地板、木枱配枕手皮椅，一室法國莊園內嘅小餐館，坐落挺舒服 ！
此外，又有唔少跟酒嘅相關擺設、書藉，雖然，全部都喺法蘭西字，唔多識睇，但感覺挺有趣。
晌樓下見到佢有個午市餐牌，寫住「For Your Health, We Only Serve Bottle Water “FREE”」，初頭都諗，免費得嘅都喺啲普通牌子嘅蒸餾水，請你飲又飲得幾多 。
枱枱早已放低兩支藍色樽身嘅玻璃樽裝水，再細望，喺嚟自意大利Santa Vittoria嘅礦泉水，雖然，唔太認識依個品牌，亦唔知要幾錢一支，但咁嘅安排已俾人一份好體貼、優質嘅感覺，唔會有種斤斤計較、賺盡分毫嘅印象 。
喺翻餐牌睇吓食乜嘅時候，餐牌外套以真皮做，加入一啲磨擦陳舊感，夠型格。而菜式選擇真不少，分頭盆、沙律、薄餅、意大利粉、主菜及甜品。
又有一系列烈酒、餐酒、啤酒、雞尾酒、咖啡、茶……等等供應。此外，牆上不時有啲廚師精選，不妨留意下，而廚師精選菜式，亦唔止列晌牆上嘅黑板，大可問問店員有咩推介！
由於今晚嚟食飯嘅目的之一都喺為咗生蠔，所以，生蠔拼盤唔少得。Chateau Aqua原來主力賣法國蠔，是晚一共有7款法國生蠔，$54-$56一隻，當然一客8隻嘅生蠔拼盤就最划算啦，賣$388，即平均五十蚊一隻都唔使 。
生蠔拼盤 $388 揀咗其中4款，包括：Carine、綠翡翠、Lambert及La Beesse Blanche。店家開蠔有自己風格，細心去咗帶子位，方便食用，雖然有人會覺得去咗帶子位，唔知會唔會被人換包，但生蠔嘅嘢，鮮唔鮮其實一食就知。幾款蠔嘅口感都喺偏向爽脆，而且，蠔味濃厚，礦物海水味強烈，餘韻悠長，咬到帶子位會感覺到有微微清甜 。事後跟店主傾開，原來佢哋唔會搵大量清水去沖啲蠔，所以，保持蠔身嘅海水原味。
生蠔拼盤
$388
37 views
1 likes
0 comments
Domaine du Bouchot, Pouilly-Fumé Pascal Kerbiquet 2011 雖然小弟唔喺好酒之人，但小酌無妨，嚐生蠔，飲點白酒真喺幾唔錯。依支白酒酒精度有成13%，半杯起，一杯止，我都OK嘅。酒色清澈，都易入口，味道圓滑，帶少少甜味，可以平衡一下生蠔嘅海水鹹味。
鮮拆長脚蟹肉沙律 $188 依個喺是日嘅廚師精選之一，主要以鮮拆長脚蟹肉嚟做主體，蟹肉、蟹膏，再加少少麻油提味，唧啲檸檬汁，簡單而味鮮，又帶點海水鹹味，啖啖蟹肉絕對食得夠豪爽 。拆肉喺好花功夫嘅一件事，所以，除了味道，亦喺食手工，仲有伴碟嘅沙律菜都有少少細節位，因為啲沙律菜唔喺就咁執幾炷放上碟，仲撈咗少少橄欖油同黑醋，清脆醇香。
鮮拆長脚蟹肉沙律
$188
36 views
1 likes
0 comments
煙三文凱撒沙律 $78 個凱撒沙律對好多餐廳都喺好基本嘢嚟，有脆麵包粒、煙肉碎，加埋清爽嘅羅馬生菜，只要用料唔差，喺零意外嘅 。而依道煙三文凱撒沙律嘅加分位就喺除有落少許芝士粉外，更刨下一小片一小片巴馬臣芝士，仲有啲煙三文魚捲起花形都捲得好靚，而且，味道亦鹹香油潤。順帶一提，個凱撒沙律可揀配煙三文或巴馬火腿。
煙三文凱撒沙律
$78
21 views
1 likes
0 comments
因為店主話有批靚蜆返貨，成為今日另一廚師精選，有新鮮嘢就梗喺把握機會一試啦。托托蜆依個名字都喺第一次聽，所以，好奇都多問幾句，大蜆嚟自新西蘭，仲話喺刺身級，生吃都可以，不過，食過生蠔就最好試試白酒忌廉汁煮 。大蜆肥大肉厚，味道鮮甜，個汁底亦都咪錯過，香滑而帶微微酒香，兼有少少香草及忌廉甜味，直頭可以當湯飲 。
白酒忌廉汁煮托托蜆
$168
51 views
2 likes
0 comments
燒羊腿配特色燒汁伴薯菜 $428 雖然話喺羊腿，但喺取前腿，唔會太大隻，啱晒兩三個人共享。燒得好香口，入口出奇地唔羶喎，啱唔食羊嘅人都可以試吓。感覺頗特別，夠肉味之餘，既嫩滑，又富肉汁 ，近尾位外皮好脆，最好搵手食先夠晒滋味。伴菜嘅連皮烤薯，粉香薯味足，又配有大量油醋沙律菜，可以平衡番啲 。
燒羊腿配特色燒汁伴薯菜
$428
32 views
1 likes
0 comments
法國鵝肝雜菌意粉 $108 若然怕唔夠飽，要搵啲澱粉質墊肚，薄餅或意粉就喺最好嘅頂肚之選。依一道法國鵝肝雜菌意粉，集香味及豐腴於一身，鵝肝拼雜菌，個香味真喺不得了，煮出嚟嘅意粉，既咬口煙韌，又有菌香，加上鵝肝油潤豐腴嘅味道，再者，鵝肝落得無手軟，咁好食又點可以唔俾個讚佢 。
法國鵝肝雜菌意粉
$108
34 views
1 likes
0 comments
席間認識咗店主Uncle Roy，佢唔單止好客，仲好健談，經常同客人打交道，有種豪邁不羈嘅感覺，一講到生蠔、紅酒佢就眉飛色舞，亦都讓小弟學到唔少嘢 ！晌度食飯，真喺唔單止食餐飯，仲喺生蠔、餐酒學堂 。
Post
