意蠔屋 (城市中心)

Open Now

Now Closed

今晚揀左位於北角城市花園既意蠔屋解決晚餐，叫得意蠔屋。呢度主打既當然係意粉同蠔啦😂意蠔屋一共有6間分店係香港各區，之前係黃埔食過一次，唔知今次食物質素keep 唔keep 到呢？北角分店內裡都係簡單佈置，可以容納既人數唔多，不過都比黃埔個間分店大。坐低左好快就order 左4 樣野，生蠔4隻，芝士焗西蘭花，芝士焗珍珠蠔千層麵同埋鹽燒牛脷😂即開生蠔味道唔錯，$148 一共有4隻蠔，食落啖啖肉芝士焗西蘭花 西蘭花夠淋，唔會好難咬。鹽燒牛脷，仲諗住係一片片，送上先知道係切左條，肉質麻麻，有部份太乾身，質素一般。呢碟千層麵望落好似好細份，但其實入面一共有4隻蠔😂😂真係有驚喜最後仲叫左杯凍檸檬益力多，味道都幾特別，可以一試整體用餐感覺唔錯，服務都幾好，下次可以再試下其他菜式。