岸久巿場 (Closed)

設於厚福街呢條食街既『H8』，成幢都係食肆 ，要突圍而出確實唔容易。但呢間新開既「岸久市場」都吸引到唔少顧客，原因也許是CP值高，品質唔錯，而價錢亦比同類型食店較低。裝潢唔算特別，但就好有日式居酒屋既atmosphere，周圍都貼左好多水產既詳細介紹，食客可邊睇邊食，還能長知識。刺身四點盛合 - 三文魚，油甘魚，帆立貝，以及甜蝦刺身。刺身整體新鮮鮮甜，例如油甘魚較為厚實，油香味重，十分甜美，三文魚更係無人不喜愛。味噌蟹甲羅燒 - 甲羅燒即係將蟹絲，味噌，香蔥放係蟹殼攪勻黎燒製，但呢度仲加左好多蟹籽同蟹柳，口味濃郁之餘，亦有蟹籽既爽脆口感同甜美，幾好食。芝士玉子燒 - 半熟玉子非常幼滑，蛋香適中，夾心有大量流心芝士，cheesy之餘，但又唔會太膩，$48算係好抵食！燒魔鬼魚翅 - 有少少似燒雞泡魚乾，但味道更為香口，魚翅位置燒得脆香。