榮熙茶餐廳

Open Now

Now Closed

叫左個午餐食，牛肉粒西炒飯，心諗炒飯一定無伏啦。第一啖d飯居然只係微暖，喂d飯你就算預先炒定都好歹叮返熱佢丫？ 牛肉粒有6-7粒，有3粒係筋，有1粒係完全不可能咀嚼嘅級別，係連3x-40蚊嘅兩餸飯都未食過完全咬唔落嘅牛肉粒。其實真係貪就腳，服務平時都只係50分。記起半年之前有次平日又係食lunch但已經係3點幾，唔係多食客，好多都一兩個人坐四人檯/卡位，我都係其中一個坐卡位。我其實已經食完碟飯飲埋半杯野坐多陣就準備起身走人，有個女伙記帶左3個新街客響我旁邊張四人檯入座，個女伙記響我側邊勁大聲話「佢走左我就比返張卡位你地」，我就谷9氣飲完啖野，以同一個聲量回返佢一句就賣單走人。喂我做過尼行，明白卡位會傾向派比左3-4人嘅客，好聲好氣問都可能會調得走坐緊卡位嘅客，但就一定唔係咁樣趕走個仲未飲完野嘅客囉。