AGE Cuisine Express (Moved) New Location

平日行完山係柏架山道落番黎，通常都係太古城食，但每次都多人到爆，今次係朋友同我講。原來鰂魚涌工廈都有西餐食。我好鐘意佢個環境木既設計，餐廳吾大，但係好舒服，好開陽，配合少量插畫，幾舒服。蒲燒饅魚pizza 和風味濃，鰻魚粒外，佢仲有少少日本紫薑令佢好特別，即使係多芝士都吾會覺得滯，係好味既。仲有意大利瓜，玉子等等，千島醬做底。黑椒和牛粒意大利飯意大利飯個汁做得幾好，吾會太稀，又做到飯粒粒粒分明。調味做得吾錯。用和牛粒做料，和牛粒煎得好香，加上少量已煎香既脆玉瓜等等，令成個意大利飯都好味香草醬脆薯角本身以為只係炸薯條炸薯角之類。原來都幾特別，係青醬既薯角，吾係平日椒鹽薯角，青醬又吾會好油，仲帶一點點fresh 。有開胃感覺，又類似帶少少沙律醬滋味順倫天拿式菠菜焗生蠔及薯皮菠菜加蠔焗薯皮，係超級香，加上係大量既芝士，芝士焗蠔本身已經正，再加薯皮，芝士份量足，令你可以一口蠔一口芝士一口薯。最後再整杯凍啡👍