必勝客

Open Now

Now Closed

行完山，係時候增下肥啦。嚟得切來Pizza Hut食個下午茶，可以用平啲嘅價錢食下Pizza仔，幾開心。幾個朋友叫咗5個餐，有意粉／Pizza／窩夫，仲有忌廉湯，滿足。講食物之前講下個服務先，有個女仔Service 我哋，好有禮貌，幾唔錯。千島海鮮迷你派 $52細細個，1開4，好鐘6意千島醬，有微微酸，好開胃，又够熱，好滋味。夏威夷風光迷你派 $46都係一樣size，佢上面嘅菠蘿火腿唔算少，番茄味濃。卡邦尼煙肉意粉 $55芝士味濃，唔會過乾，因為似過外賣意粉會比較乾身，不過堂食無呢個問題，好食之選。金牌葡汁雞焗飯椰香味略嫌唔够，以為佢會有少少辣，不過就無嘅，唔緊要，都好食嘅，啲葡汁好足。朱古力窩夫配雪糕 （雪尼拿）應該係即做，窩夫仲熱嘅，表面都好脆，內裏就軟熟，再配埋冰凍雪糕，雙重口感，唔錯。