Video
Read full review
2021-03-05
3338 views
最近呢一兩年因為冇得去旅行，所以大家都多咗好多郊外活動，仲興起左行山嘅熱潮。講起行山路線，南朗山嘅路線因為比較容易所以都好多人假期都會特登去嗰邊行山，不過好多人都話行完山之後附近冇好嘢食，作為一個南區人，梗係唔會睇小黃竹坑呢個地方啦，今次再同大家介紹一間位於熟食中心裏面嘅泰國菜，係我嘅口袋名單嚟㗎！雖然佢冇話好靚嘅裝修而且冇冷氣有啲逼夾，不過佢真係好多人去幫襯，住喺南區嘅朋友或多或少都認識呢間餐廳㗎！今次因為人少少所以淨係叫咗芝士炸蝦餅，咖喱軟殼蟹配蒜蓉包同埋肉片炒河。芝士炸蝦餅嘅份量好多，仲要新鮮滾熱辣，芝士多到好似岩漿咁流晒出嚟真係超惹味，而且蝦肉好彈牙，黑嘅味道都好濃厚，食得出冇乜加其他粉喺裏面，絕對係極度推薦！咖喱炒軟殼蟹味道香甜而且唔辣，香料味都濃郁，不過軟殼蟹偏鹹，如果送飯嘅話就啱啱好。佢另外附上嘅蒜蓉包係自家制，超級鬆脆，配上佢嘅咖喱汁真係一流！至於豬肉炒河粉都好有鑊氣，肉片好鬆軟，河粉經過炒香過嘅豉油搬炒咗之後味道好濃郁，係重口味之選！反而今次泰式奶茶口味比較清淡，雖然飲得出係泰國嘅茶葉，不過奶味比較少，相比起啲嘢食來講佢就比較失色啦。總括來講其實呢度啲嘢食都算平靚正，
雖然佢冇話好靚嘅裝修而且冇冷氣有啲逼夾，不過佢真係好多人去幫襯，住喺南區嘅朋友或多或少都認識呢間餐廳㗎！今次因為人少少所以淨係叫咗芝士炸蝦餅，咖喱軟殼蟹配蒜蓉包同埋肉片炒河。
芝士炸蝦餅嘅份量好多，仲要新鮮滾熱辣，芝士多到好似岩漿咁流晒出嚟真係超惹味，而且蝦肉好彈牙，黑嘅味道都好濃厚，食得出冇乜加其他粉喺裏面，絕對係極度推薦！
咖喱炒軟殼蟹味道香甜而且唔辣，香料味都濃郁，不過軟殼蟹偏鹹，如果送飯嘅話就啱啱好。佢另外附上嘅蒜蓉包係自家制，超級鬆脆，配上佢嘅咖喱汁真係一流！
至於豬肉炒河粉都好有鑊氣，肉片好鬆軟，河粉經過炒香過嘅豉油搬炒咗之後味道好濃郁，係重口味之選！
反而今次泰式奶茶口味比較清淡，雖然飲得出係泰國嘅茶葉，不過奶味比較少，相比起啲嘢食來講佢就比較失色啦。
總括來講其實呢度啲嘢食都算平靚正，所以都吸引好多南區之友特登過去食㗎，如果大家以後嚟南朗山行山嘅話經過都可以試吓！
🇭🇰泰椰子 Thai Co Co Nut
香港黃竹坑南朗山道一號熟食市場地下12號舖🇭🇰
Post