Video
Read full review
2020-10-07
254 views
星期日瞓醒起身行咗去堅尼地城嗰邊覓食，今時唔同往日，呢頭嘅餐廳多到每日食一間、一個月都未必試得匀。起身無耐想食得清淡啲，素菜會係一個好選擇，起碼避免咗大魚大肉🍖。「素菲亞Sofia」利用咗「素」字名命，既有氣質，又切合素食主題。環境好清新，簡約裝修令人舒服，我最鍾意光光猛猛嘅餐廳☺️。餐廳有做午市套餐，另外亦有單點餐單，兩者嘅價錢分別其實唔算太大🙈。由於想食多樣主菜，所以呢日就無嗌餐湯了。後尾我仲發現網上訂台原來有折！豆腐英雄漢堡配薯條($138)，雖然聽就聽過好多次豆腐漢堡，但食都係第一次，佢加埋英雄兩個字，感覺特別型😎。成個組合頗為豐富，有沙律菜、炸薯條同主角－豆腐英雄漢堡。「漢堡扒」超巨型，有我手掌咁大塊🖐️，而且好厚身，估計有3-4cm高，相當墜手呢！不過好搞笑地意式香草軟包就只得薄薄一片，但醉翁之意不在酒，無所謂啦，仲唔駛咁飽滯添。兩者中間塗咗層黑松露沙律醬，十分惹味；而最上層嘅紫椰菜同菜式勁夾，微酸味帶走咗吉列嘅油膩。吉列豆腐扒味道不比牛肉漢堡扒遜色，皆因豆腐壓碎後仍然保持少少滑嘅口感，但同時加入咗唔同嘅蔬菜，如菇菌、洋蔥粒同生菜等，咬落帶點爽口，幾正😋！伴碟嘅炸薯條亦好好食🍟
「素菲亞Sofia」利用咗「素」字名命，既有氣質，又切合素食主題。環境好清新，簡約裝修令人舒服，我最鍾意光光猛猛嘅餐廳☺️。
餐廳有做午市套餐，另外亦有單點餐單，兩者嘅價錢分別其實唔算太大🙈。由於想食多樣主菜，所以呢日就無嗌餐湯了。後尾我仲發現網上訂台原來有折！
豆腐英雄漢堡配薯條($138)，雖然聽就聽過好多次豆腐漢堡，但食都係第一次，佢加埋英雄兩個字，感覺特別型😎。成個組合頗為豐富，有沙律菜、炸薯條同主角－豆腐英雄漢堡。
豆腐英雄漢堡配薯條
$138
9 views
0 likes
0 comments
吉列豆腐扒味道不比牛肉漢堡扒遜色，皆因豆腐壓碎後仍然保持少少滑嘅口感，但同時加入咗唔同嘅蔬菜，如菇菌、洋蔥粒同生菜等，咬落帶點爽口，幾正😋！
伴碟嘅炸薯條亦好好食🍟，因為佢係新鮮炸起，外脆內軟，而且可能係手切。齋沾茄汁食已經食到停唔到口。
泰式冬蔭意大利飯
$128
16 views
0 likes
0 comments
我除咗欣賞佢個味道之外，食物造型亦都十分抵讚。如果唔知呢度係食素，根本會以為呢碟係海鮮意大利飯。素蝦🍤我唔係第一次見，所以無乜特別，佢口感同真蝦同樣彈牙。我反而被粒「煎帶子」吸引住，因為廚師勁有心機喺件雞肶菇上雕花，個樣似到十足十。我本身以為係用一碌嘅玉子豆腐扮帶子。
黑松露雜菌意大利飯
$128
22 views
0 likes
0 comments
黑松露醬同牛肝菌撈埋忌廉同芝士，味道濃郁🍄，但唔會過盛，不過點都比冬陰功口味膩啲。雜菌的確唔止得一種菇，但我唔係好識啲菇名，哈哈。
飲品方面，凍士多啤梨荔枝茶🍓係唔駛加錢的，佢完全無落糖，咁仲正啦，可以幫手清清味蕾。荔枝青檸梳打(+$24)份量好似多啲，飲落有令精神為之一振嘅感覺，幸好荔枝味係天然嗰種，唔會太人工太假，青檸中和咗甜味。
總括嚟講，呢餐再次證明素菜都可以好好食，而且感覺仲健康啲，或者我自欺欺人啦。有機會我會嚟試埋其他菜式！餐廳一踏入中午十二點半食晏時間就開始多人，有興趣可以喺網上訂定枱，咁就唔駛驚白行一趟啦😝。
Post
