蔡記小食

Open Now

Now Closed

是日天朗氣清，又係行山嘅好日子，來到南丫島，梗係要醫咗肚先開始行啦。蔡記小食位於榕樹灣，係行去索罟灣必經之路，一定唔會錯過。餐廳主打麵食，亦有碗仔翅及魚蛋等小食，總有一樣啱食。我地叫咗一碗車仔麵，碗仔翅及煎豆腐。車仔麵揀咗魚蛋，豬皮及蘿蔔，麵要幼麵。份量都幾大碗，魚蛋同一般車仔麵舖食到嘅小魚蛋唔同，比較大粒同軟身，食落都算彈牙，豬皮爽口但唔夠味，蘿蔔鮮甜但略嫌過淋。碗仔翅材料足夠，但可惜唔夠杰身，味道亦非常淡，絕對有改進空間。煎豆腐即叫即煎，一碟有五件，豆腐煎得香口，但鯪魚肉較薄，建議可以整返厚少少，咁味道就無咁單調。