農場鮮奶有限公司

Open Now

Now Closed

喺附近行完山肚仔開始餓，即刻行過去醫飽個肚先坐番車走。一場嚟到，梗係要試番盒農場鮮奶，另外加多個薑汁撞奶啦。牛奶其實都係鮮奶味，我反而覺得其他熱食吸引d!可能我行山嗰日係涼涼地，所以想食熱野多d！個撞奶佢係即整，要等幾分鐘之後先可以食，即整熱辣辣又好滑，見佢由液體變做半固體個感覺都覺得幾神奇。幾分鐘之後佢開始成形，可以食喇！不過個奶岩岩整好真係好熱，要慢慢食先食到。行完山咁肚餓當然唔可以只係食一個薑汁撞奶啦，另外再叫左個餐蛋麵。餐肉切得薄身煎得好脆，隻蛋就個蛋黃係半熟嘅。雖然我係好多人幫襯，我覺得佢都唔係趕住整野食而交行貨。行完山有d肚餓又有少少凍，好快就食晒成個麵喇！就係咁，今日行山消耗嘅卡路里已經俾我食番晒落肚