華御結

Open Now

Now Closed

疫情下乜都閂晒，成個禮拜困係屋企搞到個人就嚟悶到生菇，難得星期六日又好天，就出去行吓山⛰，吸下新鮮空氣。成日行山都有一個問題，就係帶啲乜嘢午餐去食，以前我會帶乾糧餅乾朱古力，但係本身已經口乾，再食呢啲乾糧，就搞到個人更加乾😩。機緣巧合之下發現到原來華御結嘅飯團真係好啱行山帶佢食🥰。首先，飯團充滿咗碳水化合物，可以補充行山消耗嘅能量。然後，飯團裏面有唔同嘅汁，唔似得乾糧咁乾爭爭，加上華御結有好多唔同種類嘅飯團俾你選擇，得閒又會出下新款，每隻都好好味😋！依家華御結買三個飯團仲會扣$5，真係又抵又好食😋！好多行山路線起點嘅地鐵站都有佢嘅分店，仲就腳過搵百佳😜！