嘉寶漢堡 (Moved) New Location

難得經開尖沙咀又唔知食乜好，唯有又開OPENRICE睇下有乜好食。我地兩條友都麻麻地粥粉麵飯，咁岩睇到呢間嘉寶漢堡，仲要係黃店，二話不說就揀定呢間。間舖位於漆咸圍當眼位，招牌下分左兩條隊，一條係排外賣，另一條就排堂食，星期五既下晝人流唔算少，都幾多人排喎。不過懶理咁多，照排！排左半個鐘鬆啲就到我地，店面位置唔多，都係得十個位左右，呢度係先嗌野食後入座既。今次我地就分別叫左芝士牛堡、炸芝士條、烤菇芝士牛堡同雞翼，仲加左罐可樂。上餐速度快，半溶芝士蓋住舊牛肉，好鬼吸引呀！包體偏脆，都幾大個，咬開仲有生菜同蕃茄。烤菇好juicy！炸芝士條 - 應該係即叫即炸既，上枱既時候仲係熱辣辣～仲有拉絲效果，咸香好味，忍唔住自己一個食哂雞翼 - 偏甜帶少少辣味，我覺得都幾重口味，但就麻麻地啱我口味。兩條友飽到捧住個肚出門口，大讚好味下次再黎會想試埋其他漢堡同炸蕃薯條。