隱町 (花園街) (Moved) New Location

上個禮拜，醒起有朋友講過太子新開咗間食店，可能啱我口味，咁就過咗去試試。舖頭喺橫行，係就係難搵dd，不過嚟過附近嘅都會知大約位置。隔一條街就係酒吧街，飲完嚟食，又或食完再飲都得。一家四口，食咗二十幾款串燒。雞，牛，豬，菜，酒，叫齊。咁多款串燒，質高，尤其係幾款內臟，雞心，雞腎，雞肝，牛舌心。用料據講用阿波尾雞，澳洲牛，歐洲豬。今次得自己飲酒，所以飲咗日本手功啤。下次要飲sake 先得，事關見到舖頭賣嘅都係一d 少見嘅品牌，但都係日本進口嘅。整體價錢當然唔係紅磡長龍燒雞翼咁嘅價，但又冇港島區、尖沙咀嘅舖咁高。值得花時間搵搵路嘅隱町。