鴻運冰廳餅店 (Closed)

我之前成日幫襯佢買麵包，我真心好怕出面嘀空氣包，成日食完得浸風咁！我知佢地為我好，怕我肥，特登整埋嘀中空包，唔好食咁多澱粉質丫嘛！但我肥我事丫，我係鍾意食最傳統嗰嘀實實在在嘅麵包！佢呢間嘀午餐肉包，嘀五餐肉唔會係紙咁薄㗎！腸仔包個包係香香甜甜，甜餐包個味，總之就係你細個嗰種，大大個，有重量，有質感嗰種，食完兩個一定夠包嘅麵包！今日係開附近做野，不如就試吓堂食啦！哈哈！伙記哥哥好似對自家乾炒牛河勁有信心，不停向我推介，但今日真係想食吓菜，就你啦！涼瓜肉片飯！上枱果然冇令我失望！好夠鑊氣，好香豆豉味！苦瓜爽中帶甘！肉片嫩滑！苦瓜有人話要食苦！但亦有人話要煮得唔苦，先係好苦瓜！但！我覺得唔係一概而論，係睇菜式需要苦瓜有時要爽要甘，就好似呢碟肉片飯咁，但炆苦肉呢類，就要煮得淋同減少苦味，等佢同其他配料相輔相成，更有鮮味菠蘿油呀！百吃不厭，再加上凍奶茶，呢度杯奶茶係好飲嘅～丫～冇諗過你個堂食又幾得喎！不過佢個冷氣好凍，唔怪得嘀人坐哂去細風嘀果邊啦！同佢廿年如一日，你完全可以有係行運茶餐廳嘅感覺！係爭咁個蛋撻王子啫