Video
Read full review
2017-01-17
322 views
其實呢間舖開左都一段時間, 只係成日都唔經過所以冇特別去試, 今日因工事而路過門口, 引發我既好奇心入去試. 上面食評大部分都係食夜晚, 因為有得 "お任せ" 同不定時現場劏魚 show, 即劏即食! 之但係我不嬲都係另類D既, 就梗係入去食 lunch 探下墟實先啦. 睇開我寫食評既都知我係晏食 lunch 一族, 今日入去食既時間差唔多2點 (叫做早左喇), 一開門見到都 full house 除左 bar 枱 4 個位, 我一條友位邊都冇所謂啦.坐低睇左個 lunch set 餐牌好耐, 有拉麵 有烏冬 有飯 有刺身, 價錢由 around $60 至$130 (未加一) 不等, 之前有朋友貼過 menu, 所以我唔貼多次喇. 而我最終係點左雜錦魚生飯.個 set 包括沙律, 麵豉湯, 一盤刺身飯, 一杯飲品 (叫左咖啡但唔記得影相). 見到上面張相已經好吸引, 因為盤刺身飯 size 比一般大, 唔係好肚餓入去食既我要食晒 (咪嘥嘢咪做大嘥鬼 ) 佢係超飽!首先講下碟沙律, 配料係新鮮嘅，但係我個人覺得個柚子汁 over 左少少, 酸左D, 但係都ok嘅.個麵豉湯又冇乜特別
睇開我寫食評既都知我係晏食 lunch 一族, 今日入去食既時間差唔多2點 (叫做早左喇), 一開門見到都 full house 除左 bar 枱 4 個位, 我一條友位邊都冇所謂啦.
坐低睇左個 lunch set 餐牌好耐, 有拉麵 有烏冬 有飯 有刺身, 價錢由 around $60 至$130 (未加一) 不等, 之前有朋友貼過 menu, 所以我唔貼多次喇. 而我最終係點左雜錦魚生飯.
雜錦魚生飯
$95
13 views
0 likes
0 comments
首先講下碟沙律, 配料係新鮮嘅，但係我個人覺得個柚子汁 over 左少少, 酸左D, 但係都ok嘅.
個麵豉湯又冇乜特別, 咪麵豉湯一碗囉...
而盤刺身飯呢就包括: 牡丹蝦一隻, 三文魚 2 片, 吞拿魚 (赤身) 2 片, 海膽 2 片, 帶子 2 片, 八爪魚 2 片, 希靈魚 2 片, 玉子燒 2 舊, 北寄貝 2 片, 油甘魚 2 片, 魚子廿、三十粒咁啦, 酸薑少量, 同埋一 "pat" 用一條磨出黎既 wasabi.
呢盤嘢整體呢講都唔錯, 刺身新鮮, 又係室溫溫度, 所以食落唔會涷冰冰, 飯暖暖地幾好入口. 呢個價錢嘅刺身飯有海膽食唔算貴. D酸薑都幾辣, 但唔會話辣到食唔到, 應該係浸醋嘅時間唔多夠.
最尾杯咖啡... 冇要求嘅咪冇嘢囉, 咁就梗係冇 ______ cafe 果D咁香咁好飲架啦, 當佢係普通一杯餐茶係 ok 嘅.
總結係荷包鬆動嘅可以返轉頭食, 不過如果入去唔食刺身嘅不如食過第二間啦。
Post
